លោកឧត្តមសេនីយ៍ឯក ប៊ុន ដា បានផ្តាំផ្ញេីដល់លោក ប្រធានអង្គភាពថ្មីថា ត្រូវបន្តពង្រឹងសាមគ្គីភាពផ្ទៃក្នុង និងការដឹកនាំបញ្ជា សំដៅជំរុញប្រសិទ្ធភាពការងារឱ្យកាន់តែល្អប្រសើរបន្ថែមទៀត។ ក្នុងនោះដែរ កងកម្លាំងទាំងអស់ត្រូវចូលរួមទប់ស្កាត់រាល់បទល្មើសនានា ជាពិសេសពាក់ព័ន្ធទៅវិស័យទេសចរណ៍ និងជនបរទេស ដែលបានចូលមកកាន់ខេត្តសៀមរាប ដែលជាតំបន់ទេសចរណ៍ដ៏សំខាន់របស់កម្ពុជា។
នាឱកាសនោះដែរ លោក សំកុល សុចិត្រា ក៏បានជំរុញដល់លោកប្រធានអង្គភាពនគរបាលទេសចរណ៍ ត្រូវបន្តកិច្ចសហការជាមួយអង្គរភាពនានា ដើម្បីថែរក្សាបាននូវសន្តិសុខសណ្តាប់ធ្នាប់ជូនភ្ញៀវទេសចរជាតិ អន្តរជាតិ ក៏ដូចជាថ្នាក់ដឹកនាំគ្រប់ជាន់ថ្នាក់។ ម្យ៉ាងទៀត ក៏ត្រូវខិតខំយកចិត្តទុកដាក់អនុវត្តឱ្យខានតែបាននូវរាល់បទបញ្ជា ផែនការណែនាំ ក៏ដូចជាផែនការការពារផ្សេងៗដែលថ្នាក់ដឹកនាំជាតិ ក៏ដូចជាថ្នាក់ដឹកនាំគណៈបញ្ជាការឯកភាពខេត្ត បានដាក់ជូន។ លើសពីនេះ សូមពង្រឹងបន្ថែមនូវរាល់វិន័យការងារ រក្សាសាមគ្គីភាព ឯកភាព ប្រកាន់ខ្ជាប់នូវវិន័យ ក្រមសីលធម៌ វិជ្ជាជីវ: បង្កើនកិច្ចសហការជាមួយនឹងអាជ្ញាធរមានសមត្ថកិច្ច ក្នុងភូមិសាស្ត្រទូទាំងខេត្ត រួមនឹងភាគគីពាក់ព័ន្ធផ្សេងៗទៀតផងដែរ។