រដ្ឋបាលខេត្តសៀមរាប

Siemreap Administration
ស្វែងរក

កិច្ចប្រជុំត្រៀមរៀបចំរបាយការណ៍នៃការរៀបចំវេទិកាថ្នាក់ខេត្ត សម្រាប់វេទិការវាងរាជរដ្ឋាភិបាល និងរដ្ឋបាលថ្នាក់ក្រោមជាតិលេីកទី១ ឆ្នាំទី៤

  • 11
  • ដោយ vannak

នាព្រឹកថ្ងៃទី៣១ ខែឧសភា ឆ្នាំ២០២៤ នៅបន្ទប់ប្រជុំលេខ២សាលាខេត្ត មានកិច្ចប្រជុំក្រុមការងារគាំទ្រការរៀបចំវេទិកា ស្តីពី និងវិសហមជ្ឈការដើម្បីចូលរួមសម្រេចបានចក្ខុវិស័យកម្ពុជាឆ្នាំ២០៥០ សម្រាប់រដ្ឋបាលខេត្តសៀមរាប ដេីម្បីត្រៀមរៀបចំរបាយការណ៍នៃការរៀបចំវេទិកាថ្នាក់ខេត្ត សម្រាប់វេទិការវាងរាជរដ្ឋាភិបាល និងរដ្ឋបាលថ្នាក់ក្រោមជាតិលេីកទី១ ឆ្នាំទី៤ ក្រោមការដឹកនាំរបស់លោក សុខ ថុល អភិបាលរងខេត្ត និងជាប្រធានក្រុមការងារ ដោយមានការចូលរួមពីនាយក នាយករងទីចាត់ការ ប្រធាន អនុប្រធានអង្គភាពចំណុះសាលាខេត្ត និងអ្នកពាក់ព័ន្ធ។ បន្ទាប់ពីមតិបេីកអង្គប្រជុំ និងសេចក្តីរាយការណ៍របស់លោក ទិព្វ ពិសិដ្ឋ នាយកទីចាត់ការផែនការ និងវិនិយោគរួចមក លោក សុខ ថុល អភិបាលរងខេត្តបានបញ្ជាក់ថាការរៀបចំគឺស្រទៅតាមគោលការណ៍ណែនាំរបស់រាជរដ្ឋាភិបាលដែលដឹកនាំដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ដេីម្បីប្រមូលនូវធាតុចូលសំខាន់ៗដែលថ្នាក់ក្រោមជាតិបានជួបនូវបញ្ហាប្រឈម ក្នុងការអនុវត្តការងារនាពេលកន្លងមក ពិសេសពាក់ព័ន្ធនឹងការធ្វេីសមាហរណកម្មមុខងារនាពេលថ្មីៗនេះ។ លោក អភិបាលរងខេត្តបានបន្តថា ដេីម្បីរកឃេីញនូវបញ្ហាទាំងនេះ ក្រុមការងារត្រូវរៀបចំរបាយការណ៍ និងពិនិត្យលេីការអនុវត្តតួនាទីរបស់រដ្ឋបាលក្រុង ស្រុក ដែលបានសមាហរណកម្មមុខងារទាំង ៥៥ និង២១វិស័យ ត្រឹមត្រូវតាមនីតិវិធី ឬក៏មានបញ្ហាលំបាកណាមួយក្នុងការអនុវត្តតួនាទីទាំងនោះ។ លោក អភិបាលរងខេត្តក៏បានណែនាំដល់ទីចាត់ការ អង្គភាពពាក់ព័ន្ធចំណុះសាលាខេត្តត្រូវរៀបចំរបាយការណ៍តាមមុខងាររៀងៗខ្លួន ក្នុងការត្រៀមប្រជុំពិនិត្យ ពិភាក្សា ដេីម្បីរៀបចំវេទិកានៅថ្នសក់ខេត្ត ព្រមទាំងផ្ញេីរបាយការណ៍ទាំងនោះទៅថ្នាក់ជាតិ ៕

អត្ថបទទាក់ទង