នាថ្ងៃទី៧ ខែសីហា ឆ្នាំ២០២៤ លោក លី សារី អភិបាលរងខេត្តតំណាងឯកឧត្តម ប្រាក់ សោភ័ណ អភិបាល នៃគណៈអភិបាលខេត្ត ចូលរួមកិច្ចប្រជុំសាមញ្ញលើកទីមួយរបស់ក្រុមប្រឹក្សាបណ្ណាសារ នៅសាលប្រជុំAអគារមិត្តភាពនៃទីស្តីការគណៈរដ្ឋមន្ត្រី ក្រោមអធិបតីភាពដ៏ខ្ពង់ខ្ពស់ ឯកឧត្ដម វង្សី វិស្សុត ឧបនាយករដ្ឋមន្ដ្រីប្រចាំការ រដ្ឋមន្ត្រី និងជាប្រធានក្រុមប្រឹក្សាបណ្ណាសារ។ អង្គប្រជុំ បានសម្រេចស្នេីកែសម្រួលនូវចំណុចខ្វះខាត ឯកសារយោងគតិយុត្ត ក្រសួង ស្ថាបនមិនទាន់បញ្ចូលសមាសភាពក្នុងសេចក្តីសម្រេចពីមុន ស្នើសុំធ្វើច្បាប់បណ្ណាសារជាថ្មីតែម្តង។ ម្យ៉ាងទៀត ត្រូវរៀបចំអនុក្រឹត្យ ប្រកាស សេចក្តីណែនាំ ជាថ្មីមួយចំនួនបន្ថែមទៀត និងស្នើដល់ក្រសួង ស្ថាបន និងក្រោមជាតិ ត្រូវសហការជាមួយក្រុមលេខាធិការដ្ឋាន(ថ្នាក់ជាតិ) ស្ដីពីការងាររក្សាទុកឯកសារ ឬបណ្តុះបណ្តាលដល់មន្ត្រី។
