ដើមក្ងោក ចំនួន ២០០ដើម ក្រោមការគាំទ្ររបស់សមាគមសហគ្រិនស្ត្រីកម្ពុជា ត្រូវបានសហការជាមួយ រដ្ឋបាល ខេត្ត ក្រុង សង្កាត់ និងធ្វើការដាំនៅអមដងផ្លូវទាំង៣៨ខ្សែ ក្នុងក្រុងសៀមរាប ក្រោមវត្តមានរបស់លោក យុន លីនណេ អភិបាលរងខេត្ត តំណាងឯកឧត្តម ប្រាក់ សោភ័ណ អភិបាលនៃគណៈអភិបាលខេត្តសៀមរាប នៅព្រឹកថ្ងៃទី០៩ខែសីហា ឆ្នាំ២០២៤ នៅក្នុងភូមិសាស្ត្រភូមិគ្រួស សង្កាត់ ស្វាយដង្គំ ក្រុង ខេត្តសៀមរាប ដោយមានចូលរួមពីតំណាងមន្ទីរ-អង្គភាព អាជ្ញាធរ ក្រុង តំណាងសមាគមសហគ្រិនស្ត្រីកម្ពុជា និង ចៅសង្កាត់ មេភូមិ ប្រជាការពារ ព្រមទាំងសិស្សានុសិស្សផងដែរ។ លោក យុន លីនណេ បានបង្ហាញភាពជឿជាក់ថា អាជ្ញាធរខេត្តនឹងសហការជាមួយភាគីពាក់ព័ន្ឋ នឹង ដាំដើមឈើនៅតាមដងផ្លូវក្នុងក្រុងសៀមរាបឲ្យបាន ១ម៉ឺនដើម ក្នុងរយៈពេល២ឆ្នាំខាងមុខនេះ ព្រោះថាព្រៃឈើមានតួនាទីសំខាន់ណាស់ ក្នុងការជួយថែរក្សាដំណើរការប្រព័ន្ធអេកូឡូស៊ី តាមរយៈការជួយធ្វើនិយ័ត កម្មអាកាសធាតុ ជួយកាត់បន្ថយឥទ្ធិពលអវិជ្ជមាន នៃការប្រែប្រួលអាកាសធាតុ ដូចជាទឹកជំនន់ ខ្យល់ព្យុះ និង ការស្រូបយកឧស្ម័នកាបូនិចពីបរិយាកាស។ ពិធីដាំដើមឈើ ដែលបានកំពុងប្រារឰនាពេលនេះ គឺមានអត្ថន័យយ៉ាងជ្រាលជ្រៅ សម្រាប់ចលនាបំផុសស្មារតីប្រជាពលរដ្ឋ មន្ដ្រីរាជការ សិស្សានុសិស្ស និងកងកំលាំងប្រដាប់អាវុធយើង ឲ្យចេះស្រឡាញ់ព្រៃឈើ ចូលរួមដាំដុះ និងការពារព្រៃឈើ ក៏ដូចជាជួយជំរុញផលប្រយោជន៍ ដល់ប្រជាពលរដ្ឋយើងក្នុងជីវភាពរស់នៅ បង្កបង្កើនផលកសិកម្ម និងបង្កើនសុខមាលភាពគ្រួសារ ព្រមទាំងជួយលើកស្ទួយបរិស្ថានសង្គមផងដែរ។ ការចូលរួមដាំដើមឈើនាពេលនេះ បានបង្ហាញឲ្យឃើញនូវការគាំទ្រដ៏ឧត្ដុងឧត្ដម ពីគ្រប់មជ្ឈដ្ឋាន ដល់ចលនា ដាំដើមឈើ ដោយចាត់ទុកចលនានេះជាកតព្វកិច្ចដ៏ចំបងផ្សារភ្ជាប់នឹងសេចក្ដីត្រូវការចាំបាច់នៃជីវភាពរស់នៅ ផ្ទាល់របស់ប្រជាពលរដ្ឋក្នុងការប្រកបរបរទទួលទាន និងនាំមកនូវរុក្ខជាតិបៃតងដ៏សែនមនោរម្យលើទឹកដីខេត្ដសៀមរាប និង ធ្វើឲ្យដងវិថីក្នុងក្រុងក្លាយជារុក្ខវិថីប្រកបដោយបរិស្ថានបៃតង។ ព្រៃឈើមានតួនាទីសំខាន់ ក្នុងការជួយថែរក្សាដំណើរការប្រព័ន្ធអេកូឡូស៊ី តាមរយៈការជួយធ្វើនិយ័ត កម្មអាកាសធាតុ ជួយកាត់បន្ថយឥទ្ធិពលអវិជ្ជមាន នៃការប្រែប្រួលអាកាសធាតុ ដូចជាទឹកជំនន់ ខ្យល់ព្យុះ និងការស្រូបយកឧស្ម័នកាបូនិចពីបរិយាកាស។ ទន្ទឹមនេះព្រៃឈើបានផ្ដល់នូវសេវាកម្ម និងជួយគាំពារផ្នែកបរិស្ថានជាច្រើនទៀត ដូចជា ការការពារទីជំរាល ទប់ស្កាត់ការហូរច្រោះដី ការធ្វើឲ្យប្រសើរឡើង នៃគុណភាពដី កាត់បន្ថយបម្រែបម្រួលអាកាសធាតុ និងផ្ដល់នូវផលអនុផលព្រៃឈើជាច្រើនអនេកដល់ប្រជាពលរដ្ឋក្នុងជីវភាពប្រចាំថ្ងៃ។ លោកអភិបាលរងខេត្តបានសំដែងនូវអំណរគុណយ៉ាងជ្រាលជ្រៅបំផុត ជូនអង្គការអន្ដរជាតិ និង អង្គការមិនមែន រដ្ឋាភិបាល ដែលកំពុងយកចិត្ដទុកដាក់ជួយដល់ខេត្ដសៀមរាប ក្នុងកិច្ចថែរក្សាធនធានធម្មជាតិ សំខាន់ព្រៃឈើដែលជាបញ្ហាចំបង និងមានសារៈសំខាន់ដល់ការរស់រាន ព្រមទាំងការអភិវឌ្ឍន៍សង្គមជាតិកម្ពុជា ទាំងពេលបច្ចុប្បន្ន ក៏ដូចទៅពេលអនាគត ។ ក្នុងនោះលោកបានអំពាវនាវដល់ប្រជាពលរដ្ឋគ្រប់រូប ដែលកំពុងបន្ដអាជីវកម្មកាប់បំផ្លាញព្រៃឈើ ដើម្បីចាប់យកដីព្រៃ សូមឲ្យបញ្ឈប់ជាបន្ទាន់ព្រោះ ការធ្វើអាជីវកម្មព្រៃឈើ និងជំនួញដីព្រៃឈើខុសច្បាប់ គឺជាបទល្មើសដ៏ធ្ងន់ធ្ងរបំផុត និងជាកត្តាបង្កឲ្យមានគ្រោះមហន្តរាយ ធម្មជាតិកើតឡើងចំពោះសង្គមជាតិ។ លោកអភិបាលរងខេត្ត បានសំណូមពរដល់ប្រជាពលរដ្ឋ ដែលមានដើមឈើនៅតាមមុខផ្ទះ ឬ អាជីវកម្មរបស់ខ្លួន សូមជួយថែរក្សា ដើម្បីបង្កើនសោភ័ណភាព កាត់បន្ថយការកើនឡើងកម្ដៅក្នុងទីក្រុង ព្រមទាំងធ្វេីក្រុងប្រែក្លាយជាក្រុងបៃតង ហើយយុទ្ធនាការដាំដេីមឈេីនៅតាមដងផ្លូវនេះ ដេីម្បីលើកកម្ពស់សោភណ្ឌភាព និងបរិស្ថាន ព្រមទាំងកែប្រែក្រុងសៀមរាបឲ្យក្លាយជាតំបន់បៃតង ក្នុងការទទួលស្វាគមន៍ដល់ភ្ញៀវទេសចរណ៍ជាតិ អន្តរជាតិ ។លោកស្រី ហេង ចរិយា អនុប្រធានសមាគមសហគ្រិនស្ត្រីកម្ពុជាសាខាខេត្តសៀមរាប លើកឡើងថា យុទ្ធនាការដាំដើមឈើនាពេលនេះ ក្នុងគោលបំណងដើម្បីបង្កើនសម្រស់និងលើកកម្ពស់សោភ័ណភាព ក្នុងក្រុងសៀមរាបឲ្យក្លាយជាទីក្រុងបៃតង៕
រដ្ឋបាលខេត្តសៀមរាប បើកយុទ្ធនាការដាំដើមឈើនៅតាមដងផ្លូវក្នុងក្រុង ឱ្យបានចំនួន១ម៉ឺនដើម រយៈពេល២ឆ្នាំ
- 14
- ដោយ vannak
អត្ថបទទាក់ទង
-
សម្តេចធិបតី ហ៊ុន ម៉ាណែត នាយករដ្ឋមន្ត្រីជួបសំណេះសំណាលជាមួយបងប្អូនអាជីវករ មគ្គុទ្ទេសក៍ទេសចរណ៍ ប្រជាពលរដ្ឋខ្មែរ និងភ្ញៀវបរទេស ព្រមទាំងថ្វាយបង្គំព្រះ នៅវត្តឥន្ទបត្តបុរីខាងជើង និងខាងត្បូងអង្គរវត្ត
- 14
- ដោយ vannak
-
ភូមិវត្តបូព៌នឹងរៀបចំឱ្យមានការតាំងលក់ដូរម្ហូបអាហារ ផ្ទាំងទស្សនីយភាពសិល្បៈកំសាន្ត និងអមដោយបរិស្ថានស្រស់បំព្រង ក្រៅតែពីមានវត្តអារ៉ាមដ៏មានវ័យចំណាស់ និងសាលារៀនគំរូ
- 14
- ដោយ vannak
-
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ឆ្លៀតក្រៅម៉ោងធ្វើការរដ្ឋ មកមើលថ្ងៃរះនៅប្រាសាទអង្គរវត្ត
- 14
- ដោយ vannak
-
សូមទស្សនា សុន្ទរកថាពិសេសរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា
- 14
- ដោយ vannak
-
ថ្នាក់ដឹកនាំ មន្ត្រីរាជការ និងកងកម្លាំងប្រដាប់អាវុធ សូមគោរពអបអរសាទរ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា ក្នុងឱកាសទទួលសញ្ញាបត្របណ្ឌិតកិត្តិយស « ភាពជាអ្នកដឹកនាំ និងការកសាងសន្តិភាព » ពីសាកលវិទ្យាល័យ ដុងហ្គុកវាយស៍ ( Dongguk Wise University ) នៃសាធារណរដ្ឋកូរ៉េ នាថ្ងៃទី១២ ខែកញ្ញា ឆ្នាំ២០២៤។
- 14
- ដោយ vannak
-
កិច្ចប្រជុំផ្សព្វផ្សាយដំណើរការរៀបចំ និងកសាងផែនការអភិវឌ្ឍន៍ប្រាំឆ្នាំ ២០២៥-២០២៩ របស់រដ្ឋបាលខេត្ត
- 14
- ដោយ vannak
-
រដ្ឋបាលខេត្តសៀមរាប សូមជូនដំណឹងដល់បណ្តាក្រុមហ៊ុន/សហគ្រាស ទាំងអស់ ដែលបានចុះបញ្ជីត្រឹមត្រូវក្នុងព្រះរាជាណាចក្រកម្ពុជា
- 14
- ដោយ vannak
-
គ្រឹះស្ថានអង្គរចេញសេចក្តីជូនដំណឹង ស្តីពីការកែទម្រង់ប្រតិបត្តិការលក់បណ្ណ និងត្រួតពិនិត្យបណ្ណ
- 14
- ដោយ vannak
-
រដ្ឋបាលខេត្តសៀមរាបចេញសេចក្តីប្រកាសព័ត៌មានពាក់ព័ន្ធនឹងផ្លូវមួយខ្សែស្ថិតនៅភូមិជ្រាវ សង្កាត់ជ្រាវ ក្រុងសៀមរាប ដែលរងការ ខូចខាត នាពេលកន្លងមក
- 14
- ដោយ vannak
-
ក្រុមការងារអគ្គនាយកដ្ឋានសវនកម្មផ្ទៃក្នុង ក្រសួងមហាផ្ទៃ ចុះសិក្សាស្រាវជ្រាវ និងវាយតម្លៃការផ្តល់សេវារដ្ឋបាលតាមយន្តការច្រកចេញចូលតែមួយនៅរដ្ឋបាលឃុំ សង្កាត់ ក្នុងខេត្តសៀមរាប
- 14
- ដោយ vannak