ថ្ងៃចន្ទ ១៤រោច ខែស្រាពណ៍ ឆ្នាំរោង បញ្ចស័ក ព.ស.២៥៦៨ ត្រូវនឹងថ្ងៃទី០២ ខែកញ្ញា ឆ្នាំ២០២៤ លោកជំទាវ ស៊ិន ណម សមាជិកក្រុមប្តឹក្សាខេត្ត និងជាប្រធាន-អនុប្រធានប្រតិបត្តិ សាខាសមាគមនារី លោកស្រីប្រធានអនុសាខា សមាគមនារីមន្ទីរ អង្គភាព ក្រុង/ស្រុក និងប្រធាន គ.ក.ស.ក ក្រុង/ស្រុកទាំង១៣ បានចូលរួមកម្មវិធី "យុទ្ធនាការផ្សព្វផ្សាយបង្កើនការយល់ដឹងពីជំងឺមហារីកសុដន់ Fit For Hope ២០២៤" តាមរយៈប្រព័ន្ធ Zoom សាលាខេត្តសៀមរាប ដែលមានសមាសភាពចូលរួមសរុបចំនួន ៦១រូប ស្រី ៦០រូប ក្រោមអធិបតីភាពដ៏ខ្ពង់ខ្ពស់ លោកជំទាវបណ្ឌិត ពេជ ចន្ទមុនី្ន ហ៊ុន ម៉ាណែត។ ឆ្លៀតក្នុងឱកាសនោះ ក្រោយកម្មវិធីយុទ្ធការបានបញ្ចប់ លោកជំទាវ ស៊ិន ណម ប្រធានគណៈកម្មាធិការសាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ បានផ្តាំផ្ញើ និងផ្តល់អនុសាសន៍ ដល់សមាជិកាអង្គប្រជុំថា ៖ យុទ្ធនាការនេះពិតជាមានសារសំខាន់ខ្លាំងណាស់ ដូច្នេះត្រូវយកចំណេះដឹងទាំងនេះទៅផ្សព្វផ្សាយបន្តដល់សាច់ញាតិ មិត្តភក្តិឱ្យបានយល់ដឹងគ្រប់ៗគ្នា ដើម្បីអាចនឹងទទួលការព្យាបាល សង្គ្រោះជីវិតបានទាន់ពេលវេលា ។