ដើមឈើ ប្រភេទដើមក្ងោក និង ដើមជ្រៃកូរ៉េ ចំនួន ៤៥០ដើម ត្រូវបានរដ្ឋបាលខេត្តសៀមរាប សហការជាមួយអង្គការជឿជាក់លើសិស្សជនបទកម្ពុជា លើគម្រោង( ធី. ដើមឈើសម្រាប់ជីវិត ) ធ្វើការដាំនៅអមសង្ខាង និងទ្រូងផ្លូវ វិថី៧មករា ស្ថិតក្នុងភូមិជន្លង់ សង្កាត់សាលាកំរើក ក្រុង ខេត្តសៀមរាប នាព្រឹកថ្ងៃទី០៣ ខែកញ្ញា ឆ្នាំ២០២៤ ក្រោមវត្តមានអញ្ជើញចូលរួមរបស់លោក អ៉ឹង គឹមលាង អភិបាលរងខេត្ត តំណាងឯកឧត្តម ប្រាក់ សោភ័ណ អភិបាលនៃគណៈអភិបាលខេត្ត និង លោកជំទាវ Oma Sagiv ឯកអគ្គរដ្ឋទូតអ៉ីស្រាអែលប្រចាំព្រះរាជាណាចក្រកម្ពុជា និង ព្រះរាជាណាចក្រថៃ ដោយមានការអញ្ជើញចូលរួមពី ស្ថាបនិកអង្គការជឿជាក់លើសិស្សជនបទកម្ពុជា ចៅសង្កាត់ សហភាពសហព័ន្ធយុវជនកម្ពុជា វិស័យឯកជន យុវជនកាកបាទក្រហមកម្ពុជា យុវជនកាយរិទ្ធកម្ពុជា ប្រជាការពារ និងប្រជាពលរដ្ឋប្រមាណជាង៣០០នាក់ចូលរួម ។ លោក ឆាយ ដឹប បានបញ្ជាក់ថា គម្រោង (Project T - ដើមឈើសម្រាប់ជីវិត) ត្រូវបានបង្កើតឡើងក្នុងខែឧសភា ឆ្នាំ២០២៣ ជាមួយចក្ខុវិស័យ ការចូលរួមបង្កើតបរិស្ថានបរិសុទ្ធប្រកបដោយនិរន្តរភាពដើម្បីលើកកម្ពស់សុខុមាលភាពមនុស្ស និងធម្មជាតិ ដោយដាំដើមឈើដែលមានអាយុកាលចន្លោះពី២ ទៅ៣ឆ្នាំនៅតាមដងផ្លូវនានាក្នុងក្រុងសៀមរាប និងនៅជនបទ ដែលខ្វះខាតដើមឈើ ដើម្បីបង្កើននូវសម្រស់ ក្លាយជាទីក្រុងបៃតង ទាក់ទាញភ្ញៀវជាតិ និង អន្តរជាតិ និងលើកកម្ពស់សោភ័ណភាពក្រុង និងទីជនបទក្នុងខេត្តសៀមរាប។ លោកជំទាវ Oma Sagiv ឯកអគ្គរដ្ឋទូតអ៉ីស្រាអែល បានលើកឡើងថា ទាក់ទងនឹងគម្រោងដាំដើមឈើនេះ លោកជំទាវសែនសប្បាយចិត្ត ដោយសារតែប្រទេសរបស់គាត់ជាប្រទេសបៃតង ហើយគាត់គិតថាក្រុងសៀមរាប គឺជាកន្លែងមួយដែលយើងគួរតែបង្កើតជាទីក្រុងបៃតង។ លោកជំទាវបានពេញចិត្តជាខ្លាំង ហើយគម្រោងនីមួយៗរបស់អង្គការជឿជាក់លើសិស្សជនបទកម្ពុជា គឺសុទ្ធតែមាននិរន្តរភាព និងផ្តល់ការអប់រំ មិនត្រឹមតែផ្តល់ការអប់រំដល់សិស្សអង្គការនោះទេ ព្រមទាំងផ្តល់ការអប់រំដល់សិស្សដ៏ទៃទៀតនៅតាមសាលាជនបទ ហើយគាត់សប្បាយចិត្តដែលឃើញក្មេងៗជំនាន់ក្រោយចូលរួមដាំដើមឈើ ។ លោក អ៉ឹង គឹមលាង បានលើកឡើងថា រដ្ឋបាលខេត្តសៀមរាប បានដាំដើមឈើបានប្រមាណជាង១០ម៉ឺនដើម នៅទូទាំងខេត្ត ដែលធ្វើឲ្យខេត្តសៀមរាបនៅក្នុងរយៈពេល១០ឆ្នាំទៀត អ្វីៗនឹងប្រែប្រួលទាំងអស់ ។ ម៉្យាងទៀតដើមឈើជួយយើងច្រើន ឲ្យមានលំនឹងនៅសីតុណ្ហភាព លំនឹងនៃការប្រែប្រួលអាកាសធាតុ លំនឹងនៃធនធាតុទឹក និងជួយការពារពីខ្យល់កន្រ្តាក់ផងដែរ ។ ជាមួយនេះដែរ លោកអភិបាលរងខេត្តបានបញ្ជាក់ជូនលោកជំទាវឯកអគ្គរដ្ឋទូត ផងដែរថា គាត់ចូលចិត្តខេត្តសៀមរាប ហើយយើងគួរតែបន្តដាំដើមឈើថែមទៀត ព្រមទាំងមានកម្មវិធីផ្សេងៗជាច្រើនទៀត ដែលយើងនឹងសហការរៀបចំជាមួយនឹងអង្គការជឿជាក់លើសិស្សជនបទកម្ពុជា និងរៀបចំបន្តទៀតផងដែរ ៕
រដ្ឋបាលខេត្តសៀមរាប សហការជាមួយអង្គការជឿជាក់លើសិស្សជនបទកម្ពុជា ដាំដើមឈើចំនួន៤៥០ដើម នៅតាមដងវិថីក្នុងក្រុងសៀមរាប
- 8
- ដោយ vannak
អត្ថបទទាក់ទង
-
សម្តេចធិបតី ហ៊ុន ម៉ាណែត នាយករដ្ឋមន្ត្រីជួបសំណេះសំណាលជាមួយបងប្អូនអាជីវករ មគ្គុទ្ទេសក៍ទេសចរណ៍ ប្រជាពលរដ្ឋខ្មែរ និងភ្ញៀវបរទេស ព្រមទាំងថ្វាយបង្គំព្រះ នៅវត្តឥន្ទបត្តបុរីខាងជើង និងខាងត្បូងអង្គរវត្ត
- 8
- ដោយ vannak
-
ភូមិវត្តបូព៌នឹងរៀបចំឱ្យមានការតាំងលក់ដូរម្ហូបអាហារ ផ្ទាំងទស្សនីយភាពសិល្បៈកំសាន្ត និងអមដោយបរិស្ថានស្រស់បំព្រង ក្រៅតែពីមានវត្តអារ៉ាមដ៏មានវ័យចំណាស់ និងសាលារៀនគំរូ
- 8
- ដោយ vannak
-
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ឆ្លៀតក្រៅម៉ោងធ្វើការរដ្ឋ មកមើលថ្ងៃរះនៅប្រាសាទអង្គរវត្ត
- 8
- ដោយ vannak
-
សូមទស្សនា សុន្ទរកថាពិសេសរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា
- 8
- ដោយ vannak
-
ថ្នាក់ដឹកនាំ មន្ត្រីរាជការ និងកងកម្លាំងប្រដាប់អាវុធ សូមគោរពអបអរសាទរ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា ក្នុងឱកាសទទួលសញ្ញាបត្របណ្ឌិតកិត្តិយស « ភាពជាអ្នកដឹកនាំ និងការកសាងសន្តិភាព » ពីសាកលវិទ្យាល័យ ដុងហ្គុកវាយស៍ ( Dongguk Wise University ) នៃសាធារណរដ្ឋកូរ៉េ នាថ្ងៃទី១២ ខែកញ្ញា ឆ្នាំ២០២៤។
- 8
- ដោយ vannak
-
កិច្ចប្រជុំផ្សព្វផ្សាយដំណើរការរៀបចំ និងកសាងផែនការអភិវឌ្ឍន៍ប្រាំឆ្នាំ ២០២៥-២០២៩ របស់រដ្ឋបាលខេត្ត
- 8
- ដោយ vannak
-
រដ្ឋបាលខេត្តសៀមរាប សូមជូនដំណឹងដល់បណ្តាក្រុមហ៊ុន/សហគ្រាស ទាំងអស់ ដែលបានចុះបញ្ជីត្រឹមត្រូវក្នុងព្រះរាជាណាចក្រកម្ពុជា
- 8
- ដោយ vannak
-
គ្រឹះស្ថានអង្គរចេញសេចក្តីជូនដំណឹង ស្តីពីការកែទម្រង់ប្រតិបត្តិការលក់បណ្ណ និងត្រួតពិនិត្យបណ្ណ
- 8
- ដោយ vannak
-
រដ្ឋបាលខេត្តសៀមរាបចេញសេចក្តីប្រកាសព័ត៌មានពាក់ព័ន្ធនឹងផ្លូវមួយខ្សែស្ថិតនៅភូមិជ្រាវ សង្កាត់ជ្រាវ ក្រុងសៀមរាប ដែលរងការ ខូចខាត នាពេលកន្លងមក
- 8
- ដោយ vannak
-
ក្រុមការងារអគ្គនាយកដ្ឋានសវនកម្មផ្ទៃក្នុង ក្រសួងមហាផ្ទៃ ចុះសិក្សាស្រាវជ្រាវ និងវាយតម្លៃការផ្តល់សេវារដ្ឋបាលតាមយន្តការច្រកចេញចូលតែមួយនៅរដ្ឋបាលឃុំ សង្កាត់ ក្នុងខេត្តសៀមរាប
- 8
- ដោយ vannak