កាលពីថ្ងៃទី២៣ ខែមីនា ឆ្នាំ២០២០ រដ្ឋបាលខេត្តបានចាត់ក្រុមការងារចុះរៀបចំសណ្តាប់ធ្នាប់ក្នុងខេត្ត ដោយបានបើកយុទ្ធនាចាប់ផ្តើមអនុវត្តនៅនៅជុំវិញមន្ទីរពេទ្យបង្អែកខេត្ត។ មកទល់ពេលនេះ ការចុះរៀបចំបានមួយជំហានរួចហើយ ហើយនឹងបន្តចុះរៀបចំអោយបានរួចរាល់តាមផែនការ ដែលបានគ្រោងទុក។
រដ្ឋបាលខេត្ត ក៏ដូចជាក្រុមការងារ សូមថ្លែងអំណរគុណចំពោះបងប្អូនដែលបានចូលរួមតាមការរៀបចំរបស់អាជ្ញាធរ និងការគាំទ្រចំពោះសកម្មភាពនេះ។ ជាងនេះទៀត បងប្អូនមួយចំនួនក៏បានចូលរួម បើកផ្លូវតាមការជូនដំណឹងរបស់អាជ្ញាធរផងដែរ។
រដ្ឋបាលខេត្ត នឹងអនុវត្តការងាររៀបចំសណ្តាប់ធ្នាប់នេះអោយមានប្រសិទ្ធភពខ្ពស់ តាមអ្វីដែលបានលើកឡើងក្នុងសន្និបាតបូកសរុបលទ្ធផលការងារឆ្នាំ២០១៩ និងលើកទិសដៅការងារឆ្នាំ២០២០ របស់រដ្ឋបាលខេត្ត។ ដូចនេះ រដ្ឋបាលខេត្ត សូមអំពាវនាវអោយបងប្អូនប្រជាពលរដ្ឋចូលរួមអនុវត្តការងារតាមស្មារតីនៃការគោរពច្បាប់ និងការអភិវឌ្ឍប្រកបដោយចិរភាព៕
រដ្ឋបាលខេត្តសៀមរាប
Siemreap Administration
