ថ្ងៃទី០៨ ខែតុលា ឆ្នាំ២០២៤ នៅសាលប្រជុំមន្ទីរ លោក សុខ ថុល អភិបាលរងខេត្តតំណាងឯកឧត្តម ប្រាក់ សោភ័ណ អភិបាលនៃគណៈអភិបាលខេត្តបានអញ្ជើញចូលរួមពិធីសំណេះសំណាល និងសួរសុខទុក្ខថ្នាក់ដឹកនាំ និងមន្ត្រីរាជការនៃមន្ទីរផែនការខេត្តសៀមរាប ក្រោមអធិបតីភាព ឯកឧត្តម ប៊ិន ត្រឈៃ រដ្ឋមន្ត្រីក្រសួងផែនការ។
បន្ទាប់ពីមតិស្វាគមន៍របស់លោក ហាស់ សុធារ៉ា ប្រធានមន្ទីរផែនការរួចមក ឯកឧត្តម រដ្ឋមន្ត្រីក្រសួងផែនការបានថ្លែងអំណរគុណដល់ថ្នាក់ដឹកនាំខេត្ត ក៏ដូចជាមន្ត្រីរាជការរបស់មន្ទះរផែនការខេត្តដែលបានចូលរួមអនុវត្តគោលនយោបាយរបស់រាជរដ្ឋាភិបាលនីតិកាលទី៧។ ជាមួយគ្នានេះដែរ ឯកឧត្តម ក៏បានផ្តាំផ្ញេីដល់ថ្នាក់ដឹកនាំមន្ទីរ និងមន្ត្រី នៃមន្ទីរផែនការទាំងអស់ត្រូវបន្តរក្សាសាមគ្គីភាពផ្ទៃក្នុងឱ្យបានល្អប្រសេីរ ពិសេសការផ្តល់សេវា និងរាល់ចុះជំរឿនប្រជាពលរដ្ឋត្រូវអនុវត្តឱ្យស្របតាមនីតិវិធីច្បាស់លាស់។
