នាថ្ងៃទី១៣ ខែវិច្ឆិកា ឆ្នាំ២០២៤ ឯកឧត្តម លី សំរិទ្ធ ប្រធានក្រុមប្រឹក្សាខេត្ត និងឯកឧត្តម ប្រាក់ សោភ័ណ អភិបាល នៃគណៈអភិបាលខេត្តសៀមរាប ព្រមទាំងវត្តមានលោក លោកស្រីជាអភិបាលរងខេត្ត នាយក នាយករងរដ្ឋបាលសាលាខេត្ត នាយក នាយករងទីចាត់ការអន្តរវិស័យចំណុះរដ្ឋបាលខេត្ត ថ្នាក់ដឹកនាំមន្ទីរអង្គភាពមួយចំនួនក្នុងខេត្ត អាជ្ញាធរក្រុងស្រុក និងថ្នាក់ដឹកនាំក្រុមការងារនៃសហភាពសហព័ន្ធយុវជនកម្ពុជាខេត្ត បានរៀបចំពិធីសែនក្រុងពាលីបួងសួងសុំសេចក្តីសុខនៅបរិវេណព្រះវិហារព្រះអង្គចេកព្រះអង្គចម និងនៅវេទិកាប្រារព្ធពិធីមាត់ស្ទឹងសៀមរាប ដើម្បីសុំទឹកដីទីកន្លែងនិងសុំសេចក្តីសុខសិរីសួស្តី គ្រប់ប្រការដល់ដំណើរនៃការ រៀបចំព្រះរាជពិធីអុំទូក បណ្តែតប្រទីប និងសំពះព្រះខែ អកអំបុក និងកម្មវិធីសប្បាយៗជាច្រើនទៀត។
