គណៈកម្មការរៀបចំព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក របស់រដ្ឋបាល ខេត្តសៀមរាប មានកិត្តិយស សូមជម្រាបជូន សម្តេច ឯកឧត្តម លោកជំទាវ អ្នកឧកញ៉ា ឧកញ៉ា លោក លោកស្រី និងសាធារណជនក្នុងខេត្តសៀមរាប សូមមេត្តាជ្រាបថា ក្នុងឱកាសរៀបចំព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុកឆ្នាំ២០២៤ ដែលនឹងប្រព្រឹត្តទៅនាពេលខាងមុខនេះ រដ្ឋបាលខេត្តសៀមរាប នឹងមានការ ចាត់តាំងអុជកាំជ្រួច ចំនួនពីរទីតាំង តាមកាលបរិច្ឆេទដូចខាងក្រោម៖
-អុជលើកទី១ ថ្ងៃព្រហស្បតិ៍ ទី១៤ ខែវិច្ឆិកា ឆ្នាំ២០២៤៖ នៅវេលាម៉ោងប្រហែល ១៨:៣០នាទីល្ងាច ទីតាំងអុជនៅខាងកើតគល់ស្ពានវត្តរាជបូណ៌ -អុជលើកទី២ ថ្ងៃសុក្រ ទី១៥ ខែវិច្ឆិកា ឆ្នាំ២០២៤៖នៅវេលាម៉ោងប្រហែល ១៨:៣០នាទីល្ងាច ទីតាំងអុជនៅខាងកើតគល់ស្ពានវត្តរាជបូណ៌ នៅវេលាម៉ោងប្រហែល ២៣:៣០នាទីយប់ ទីតាំងអុជនៅមុខមហាសណ្ឋាគារអង្គរ។អាស្រ័យដូចបានជម្រាបជូនខាងលើ សូម សម្តេច ឯកឧត្តម លោកជំទាវ អ្នកឧកញ៉ា ឧកញ៉ា លោក លោកស្រី និងសាធារណជនក្នុងខេត្តសៀមរាប មេត្តាជ្រាបជាព័ត៌មាន។
