រដ្ឋបាលខេត្តបានសហការជាមួយមន្ទីរ អង្គភាព ក្រុង ស្រុក និងសហភាពសហព័ន្ធយុវនកម្ពុជាបានរៀបចំព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុកខេត្តសៀមរាបពេលរយៈពេល ៣ថ្ងៃ ចាប់ពីថ្ងៃទី១៤ ដល់ថ្ងៃទី១៦ ខែវិច្ឆិកា ឆ្នាំ២០២៤ ទទួលបានភ្ញៀវទេសចរសរុបប្រមាណ ៣៤៨ ២២៩នាក់ មានការកើនឡើងប្រមាណ ១៥,៩៣% បើប្រៀបធៀបនឹងរយៈពេលដូចគ្នាឆ្នាំ២០២៣ ក្នុងនោះ ៖ -ភ្ញៀវទេសចរបរទេសមានចំនួន ១៣ ២២៩នាក់។ -ទេសចរជាតិ និងបងប្អូនប្រជាពលរដ្ឋក្នុងខេត្តសៀមរាប មានចំនួនប្រមាណ ៣៣៥ ០០០នាក់។
រដ្ឋបាលខេត្តសូមថ្លែងអំណរគុណយ៉ាងជ្រាលជ្រៅចំពោះមន្ត្រីរាជការ កងកម្លាំងប្រដាប់អាវុធគ្រប់ប្រភេទ ក្រុមការងារ ដែលជាអនុគណៈកម្មការទាំង៧ និងសហភាពសហព័ន្ធយុវជនកម្ពុជា ខេត្តសៀមរាបដែលបានយកចិត្តទុកដាក់រៀបចំព្រះរាជពិធីបុណ្យអុំទូក បណ្តែតប្រទីបប្រព្រឹត្តទៅដោយរលូនតាមការគ្រោងទុក។ ម្យ៉ាងទៀត ក៏សូមថ្លែងអំណរគុណចំពោះសប្បុរសជនដែលរួមចំណែកឧបត្ថម្ភគាំទ្រដល់ព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុកខេត្តសៀមរាប ឆ្នាំ២០២៤នេះ៕
