ប្រធានក្រុមប្រឹក្សាខេត្តសៀមាប និងអនុប្រធានសភាប្រជាជនក្រុងតាលៀន នៃសាធារណរដ្ឋប្រជាមានិតចិននឹងបន្តពង្រឹងចំណងមិត្តភាព និងពង្រឹងកិច្ចសហប្រតិបត្តិការទ្វេភាគី លើវិស័យអប់រំ ទេសចរណ៍ និងវប្បធម៍ ជាពិសេសការមានបំណងចង់ឱ្យមាន Charter flight រវាងខេត្ត-ក្រុងទាំងពីរ។
នាថ្ងៃទី១៧ ខែវិច្ឆិកា ឆ្នាំ២០២៤ នៅបន្ទប់ប្រជុំសាលាខេត្តមានជំនួបសម្តែងការគួរសម និងពិភាក្សាការងាររវាងរដ្ឋបាលខេត្តដឹកនាំដោយឯកឧត្តម លី សំរិទ្ធ ប្រធានក្រុមប្រឹក្សាខេត្តជាមួយនឹងឯកឧត្តម XU SHAODA អនុប្រធានសភាប្រជាជនក្រុងតាលៀន នៃសាធារណរដ្ឋប្រជាមានិតចិន។
ឯកឧត្តម ប្រធានក្រុមប្រឹក្សា បានស្វាគមន៍យ៉ាងកក់ក្តៅចំពោះប្រតិភូនៃក្រុងតាលៀន នៃសាធារណរដ្ឋប្រជាមានិតចិន ដែលបានអញ្ជេីញមកទស្សនកិច្ចនៅខេត្តសៀមរាបនាពេលនេះ។ ឯកឧត្តម ក៏ស្នេីដល់អនុប្រធានសភា នៃក្រុងតាលៀនឱ្យជួយជំរុញនិងផ្សព្វផ្សាយដល់ប្រជាជនចិនអំពីតំបន់ទេសចរណ៍ វប្បធម៌ និងអរិយធម៌របស់ខ្មែរដល់ប្រជាជនចិន ដេីម្បីមកទស្សនាកម្សាន្តនៅខេត្តសៀមរាប។ ជាមួយគ្នានេះដែរ ឯកឧត្តម ក៏បានស្នេីឱ្យមានការហោះហេីរត្រង់ពីក្រុងតាលៀនមកកាន់ខេត្តសៀមរាប។
ឯកឧត្តម ប្រធានគណៈប្រតិភូក្រុងតាលៀន ក៏បានបង្ហាញពីគោលបំណងនៃដំណើរទស្សនកិច្ចនៅនៅខេត្តសៀមរាប ដើម្បីពង្រឹងកិច្ចសហប្រតិបត្តិការទ្វេភាគី លើវិស័យអប់រំ ទេសចរណ៍ និងវប្បធម៍។ ជាមួយនឹងការហោះហេីរត្រង់រវាងក្រុង និងខេត្តសៀមរាប ឯកឧត្តម ក៏មានបំណងចង់ឱ្យមាន Charter flight រវាងខេត្ត-ក្រុងទាំងពីរផងដែរ ចំពោះការងារមេះ ឯកឧត្តមនឹងជំរុញបន្ថែមទៀតដេីម្បីឱ្យបានជោគជ័យ។
ឯកឧត្តម ប្រធានក្រុមប្រឹក្សាខេត្ត បានថ្លែងនូវការអរគុណយ៉ាងជ្រាលជ្រៅចំពោះ ឯកឧត្តម ប្រធានគណៈប្រតិភូ ដែលបានយកចិត្តទុកដាក់ខ្ពស់ចំពោះកិច្ចសហប្រតិបត្តិការរវាងខេត្ត-ក្រុងទាំងពីរ។ ឯកឧត្តម សង្ឃឹមយ៉ាងមុតមាំថា ទំនាក់ទំនងកិច្ចសហប្រតិបត្តិការ និងការផ្លាស់ប្ដូរទៅវិញទៅមក នឹងធ្វើឱ្យមានការអភិវឌ្ឍរួមគ្នាកាន់តែប្រសើរឡេីងថែមទៀត៕
