នាព្រឹក ថ្ងៃទី១៩ ខែធ្នូ ឆ្នាំ២០២៤ ឯកឧត្តម ប្រាក់ សោភ័ណ អភិបាលនៃគណៈអភេបាលខេត្តបានអនុញ្ញាតឱ្យ លោក ហ្សាប ហុងហ័ន នាយកក្រុមហ៊ុនមិត្តហ្វូនសាខាសៀមរាប និងក្រុមការងារ ជួបសម្តែងការគួរសម និងពិភាក្សាការងារមួយចំនួន។
លោក ហ្សាប ហុងហ័ន នាយកក្រុមហ៊ុនមិត្តហ្វូនសាខាសៀមរាប បានថ្លែងអំណរគុណជាទីបំផុតចំពោះ ឯកឧត្តម អភិបាលខេត្ត ដែលតែងតែផ្តល់ការគាំទ្រ និងជួយសម្របសម្រួលរាល់កិច្ចការ ដែលក្រុមហ៊ុនស្នើសុំ ហើយក្រុមហ៊ុនតែងតែត្រៀមកិច្ចសហការគ្រប់ពេលដែលមានការស្នើសុំពីរដ្ឋបាលខេត្តលើកិច្ចការជាអាទិ៍ភាពនានា។
ឯកឧត្តម អភិបាលខេត្ត ក៏បានថ្លែងអំណរគុណទៅកាន់លោក ប្រធានក្រុមហ៊ុន ដែលតែងតែផ្តល់កិច្ចសហការយ៉ាងល្អជាមួយរដ្ឋបាលខេត្ត ពិសេសពេលមានតម្រូវការក្នុងពិធីបុណ្យ និងកិច្ចប្រជុំធំៗ ដែលត្រូវការសេវាទាំងការហៅចេញ និង សេវាអុិនធ័រណែត នៅតំបន់ក្រៅក្រុង និងតំបន់មួយចំនួនតាមបណ្តាស្រុក រឺតំបន់ទេសចរណ៍ថ្មីៗរបស់ខេត្តសៀមរាប។
