រដ្ឋបាលខេត្តសៀមរាបសូមជូនដំណឹងរដ្ឋបាលខេត្តសៀមរាប ក្នុងឱកាសនៃពិធីបុណ្យ ឆ្លងឆ្នាំថ្មី ឆ្នាំ សកល គ.ស.២០២៥ ដែលនឹងឈានមកដល់ក្នុងពេលដ៏ខ្លីនេះ នារាត្រីថ្ងៃទី៣១ ខែធ្នូ ឆ្នាំ២០២៤ រដ្ឋបាលខេត្ត នឹងរៀបចំកម្មវិធីមួយចំនួនដូចខាងក្រោម៖

១- ការសម្តែងទស្សនីយភាពសិល្បៈកម្សាន្ត នៅសួនច្បារព្រះរាជដំណាក់ ក្រុងសៀមរាប ខេត្តសៀមរាប។២-ការបើកឱ្យដំណើរការជាផ្លូវការផ្ការាំទឹករាំ ដែលនឹងបើកដំណើរការ ចាប់ម៉ោង១៩៖០០នាទី រហូត ដល់ម៉ោង២៤៖០០នាទី នៅទីតាំងសួនផ្ការាំទឹករាំ តាមដងស្ទឹងសៀមរាប ខាងជើងស្ពានថ្មអាង ក្រពើ។៣-ការបាញ់កាំជ្រួចឆ្លងឆ្នាំ នាពាក់កណ្តាលអាធ្រាត្រ វេលាម៉ោង២៤៖០០នាទី ថ្ងៃទី៣១ ខែធ្នូ ឆ្នាំ២០២៤ នៅផ្សាររាត្រីផ្លូវ៦០ម៉ែត្រ និងនៅទីតាំងខាងសួនច្បារព្រះរាជដំណាក់ ក្រុងសៀមរាប ខេត្តសៀមរាប ដែលនឹងត្រូវបិទផ្លូវខាងមុខ មហាសណ្ឋាគារ (Raffles Grand Hotel d'Angkor) ចាប់ពីម៉ោង ២២៖៣០នាទី រហូតដល់ចប់កម្មវិធីបាញ់កាំជ្រួច។