រដ្ឋបាលខេត្តសៀមរាប

Siemreap Administration

រដ្ឋបាលខេត្តសៀមរាប

Siemreap Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

ក្រុមការងារបច្ចេកទេសប្រព័ន្ធលូបង្ហូរទឹក​ ចុះពិនិត្យទីតាំងសាងសង់ប្រព័ន្ធលូនៅតាមផ្លូវសំខាន់ៗ​ ក្នុងក្រុង ដើម្បីបញ្ជៀសការលិចលង់

ដោយ អ៊ុក ពិស្តារចំនួនទស្សនា (27)

នៅរសៀលថ្ងៃទី១៦ ខែមិថុនា ឆ្នាំ២០២០នេះ លោក​ ពិន​ ប្រាកដ​ អភិបាល​រងខេត្ត​ បានដឹកនាំក្រុមការងារ​បច្ចេកទេសប្រព័ន្ធលូបង្ហូរទឹក​ ចុះពិនិត្យទីតាំងសាងសង់ប្រព័ន្ធលូនៅភូមិវិហារចិន(ផ្សារក្រោម)​​ ភូមិថ្មី​ សង្កាត់​ស្វាយដង្គំ​ និងភូមិត្រៀក​ សង្កាត់​សៀមរាប​ ដើម្បីសិក្សា​ពីគម្រោងសាងសង់ប្រព័ន្ធលូបង្ហូរទឹកចេញពីក្រុង​ និងតាមបណ្ដារភូមិខាងលេី​ ដេីម្បីបញ្ជ្រៀសការលិចលង់​ និងឲ្យទឹកស្រកបានលឿនបំផុត។ សូមបញ្ជាក់ថា ក្រោយពីមានភ្លៀងមួយមេធំកាលពីថ្ងៃទី១៤​ ខែមិថុនា​ ឆ្នាំ​២០២០​ រួចមក​ បានធ្វេីឲ្យមានការលិចលង់ផ្លូវ​ និងលំនៅដ្ឋានខ្លះៗ​ របស់បងប្អូនប្រជាពលរដ្ឋនៅក្នុងក្រុងសៀមរាប​ ដូចនេះក្រោមការយកចិត្តទុកដាក់ខ្ពស់របស់​ ឯកឧត្តម​ ទៀ​ សីហា​ អភិបាល​ នៃគណៈអភិបាលខេត្តសៀមរាប​ លេីការងារកសាង​ ជួសជុលហេដ្ឋារចនាសម្ព័ន្ធសាងសង់ប្រព័ន្ធលូបង្ហូរទឹក​ និងសោភ័ណភាពក្រុង​។ ឯកឧត្តម​ បានចាត់មន្ត្រីតាមមន្ទីរ​ជំនាញឲ្យចុះបូមលូ ស្តារប្រឡាយនៅក្នុងក្រុង បើកមុខទឹក យកកាកសំណល់ចេញពីក្នុងលូ ប្រឡាយដើម្បីរំដោះទឹក​ និងបន្ថែមល្បឿនទឹកហូរឱ្យទាន់ពេល ជៀសវាងមានការលិចផ្លូវ និងភូមិដ្ឋាន ដែលធ្វើឱ្យបាត់បង់សោភ័ណភាព និងខូចផ្លូវជាដើម៕

បណ្ណាល័យព័ត៌មាន
ព័ត៌មានពេញនិយម
ព័ត៌មានថ្មីៗ
ពាក់ព័ន្ធបញ្ហាជំងឺ COVID-19១១៥
លេខអគ្គិភ័យ៦៦៦
សង្រ្គោះបន្ទាន់១១៩
ប៉ូលីស១១៧
SIEM REAP WEATHER
ព័ត៌មានជាប់ទាក់ទង

ផ្លូវ៦០ម៉ែត្រ ភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប

អ៊ីមែល : srphall@siemreap.gov.kh

លេខទូរស័ព្ទ : (+855)63 765 343

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តសៀមរាប

កែប្រែចុងក្រោយ : 2 ថ្ងៃមុន