ព្រឹកថ្ងៃពុធ ១០រោច ខែអាសាឍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ១៥ ខែកក្កដា ឆ្នាំ២០២០ រដ្ឋបាលស្រុកជីក្រែង បានរៀបចំវេទិកាសាធារណៈថ្នាក់ជាតិ ដើម្បីត្រួតពិនិត្យ និងគាំទ្រការអនុវត្តកម្មវិធីគោលនយោបាយ និងយុទ្ធសាស្រ្តចតុកោណដំណាក់កាលទី៤ របស់រាជរដ្ឋាភិបាលកម្ពុជា ស្ថិតនៅក្នុងបរិវេណវត្តក្បាលដំរី នៅភូមិក្បាលដំរី ឃុំពង្រលើ ស្រុកជីក្រែង ខេត្តសៀមរាប ក្រោមអធិបតីភាព ឯកឧត្ដម ង៉ែត នរិន្រ្ទ ប្រធានក្រុមការងារចុះជួយមូលដ្ឋានស្រុកជីក្រែង លោក យន់ ស៉ីភន ប្រធានក្រុមប្រឹក្សាស្រុកជីក្រែង និងលោក ពៅ ប៊ុនធឿន អភិបាល នៃគណៈអភិបាលស្រុកជីក្រែង ក្រៅពីនេះក៏មានការអញ្ជើញចូលរួមជាគណៈអធិបតី និងភ្ញៀងកិត្តិយស មានដូចជា ឯកឧត្ដម ប្រធានក្រុុមការងារចុះជួយមូលដ្ឋានឃុំទាំង៤ មានឃុំពង្រលើ, ឃុំពង្រក្រោម, ឃុំគោកធ្លកលើ និងឃុំខ្វាវ លោកប្រធានមន្ទីរកសិកម្ម រុក្ខាប្រមាញ់ និងនេសាទ អនុប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត តំណាងមន្ទីរធនធានទឹក និងឧតុនិយមខេត្ត តំណាងមន្ទីរវប្បធម៌ និងវិចិត្រសិល្បៈ តំណាងមន្ទីរ៉ែ និងថាមពលខេត្ត តំណាងមន្ទីរបរិស្ថានខេត្ត លោក អភិបាលរង នៃគណៈអភិបាលស្រុក លោក លោកស្រី សមាជិក សមាជិកា ក្រុមប្រឹក្សាស្រុកជីក្រែងចុះជួយឃុំទាំង៤ ខាងលើ លោក មេបញ្ជាការកងកម្លាំងទាំង៣ លោក លោកស្រី នាយក នាយករងរដ្ឋបាលស្រុក លោក លោកស្រី ប្រធានការិយាល័យ អង្គភាពទាំង១៣ ចំណុះរដ្ឋបាលស្រុក មន្រ្តីជំនាញរដ្ឋបាលព្រៃឈើ មន្រ្តីជំនាញតំបន់អភិរក្សសត្វព្រៃបឹងពែរ មន្រ្តីរាជការ លោកមេឃុំទាំង៤ លោកគ្រូ អ្នកគ្រូ សិស្សានុសិស្ស និងប្រជាពលរដ្ឋចូលរួមសរុបចំនួន ២០៨ នាក់ ស្រី ៥១ នាក់។ក្នុងអង្គវេទិកាសាធារណៈនេះដែរ រដ្ឋបាលស្រុក បានជ្រើសរើសយកប្រធានបទស្ដីពី “សេវាដីធ្លីធនធានធម្មជាតិ និងការគ្រប់គ្រងបរិស្ថាន” ដែលជាគោលដៅទី១ មានចំនួន ៤ឃុំ គឺឃុំពង្រលើ, ឃុំពង្រក្រោម, ឃុំគោកធ្លកលើ និងឃុំខ្វាវ ដែលជាឃុំប្រឈមក្នុងការអនុវត្តសេវាសាធារណៈដីធ្លី និងការងារពាក់ព័ន្ធធនធានធម្មជាតិ និងបរិស្ថាន និងដើម្បីជាការចូលរួមអនុវត្តតាមយុទ្ធសាស្រ្តចតុកោណរបស់រាជរដ្ឋាភិបាលកម្ពុជា។