នៅព្រឹកថ្ងៃ ព្រហស្បតិ៍ ១១ រោច ខែ អាសាឍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ១៦ ខែ កក្កដា ឆ្នាំ២០២០ រដ្ឋបាលស្រុកស្វាយលើ បានរៀបចំកិច្ចប្រជុំផ្សព្វផ្សាយស្តីពីការចាត់វិធានការទប់ស្កាត់ និងបង្ក្រាបការកាប់រានដុតឈូសឆាយ ទន្ទ្រាន និង ហ៊ុមព័ទ្ធដីតំបន់សហគមន៍ព្រៃឈើ ដីគម្របព្រៃឈើ ដីតំបន់ព្រៃលិចទឹក និងដីតំបន់ការពារធនធានធម្មជាតិ ឬតំបន់ការពារអភិរក្ស នៅក្នុងភូមិសាស្ត្រស្រុកស្វាយលើ ខេត្តសៀមរាប និងពិនិត្យលើការងារឧបតម្ថម្ភសាច់ប្រាក់ដល់គ្រួសារក្រីក្រក្នុងកំឡុងពេលការរីករាលដាលនៃជំងឺកូវីដ១៩ ក្រោមអធិបតីភាព លោក ពៅ ពិសិដ្ឋ អភិបាលរងនៃគណៈអភិបាលខេត្តសៀមរាប។ក្នុងកិច្ចប្រជុំបានពិនិត្យ ពិភាក្សាលើការងារគ្រប់គ្រងដីធ្លី ដែលមានការពាក់ព័ន្ធទៅនឹងគម្របព្រៃឈើ តំបន់ការពារ ព្រៃសហគមន៍ តំបន់អប្សរា តំបន់ឧទ្យានជាតិ ដែនជម្រកសត្វព្រៃ ដែលពេលបច្ចុប្បន្ននេះប្រជាពលរដ្ឋកំពុងប្រើប្រាស់ និងអាស្រ័យផល ។លោក អភិបាលរងខេត្តបានផ្តាំផ្ញើ និង ដាក់ផែនការអនុវត្តបន្តដល់ក្រុមការងារតាមដាន និងទប់ស្កាត់ការរុករានទន្ទ្រានដីរដ្ឋគ្រប់ប្រភេទ ដើម្បីវាតយកដីធ្វើជាកម្មសិទ្ធិ នៅក្នុងភូមិសាស្ត្រខេត្ត និងរដ្ឋបាលស្រុក រដ្ឋបាលឃុំរួមមាន៖១.ពង្រឹងការទប់ស្កាត់ការរុករានទន្ទ្រានដីរដ្ឋគ្រប់ប្រភេទនៅក្នុងភូមិសាស្ត្រស្រុកស្វាយលើ២.មេឃុំ មេភូមិត្រូវបញ្ឈប់ជាបន្ទាន់នូវការបញ្ជាក់លើឯកសារដីធ្លី៣.រដ្ឋបាលស្រុក និង ឃុំត្រូវស្រង់ទន្នន័យដីស្រែ ចំការរបស់ប្រជាពលរដ្ឋ និងរៀបរាប់ពីសាវតានៃការកាន់កាប់ដីដែលបានអាស្រ័យផលជាក់ស្តែងយូរមកហើយ និងទប់ស្កាត់ការកាប់រានដីថ្មី៤.រដ្ឋបាលស្រុក ឃុំ និងភូមិត្រូវពិនិត្យធ្វើបច្ចុប្បន្នភាពលើទិន្នន័យគ្រួសារក្រីក្រដែលត្រូវបានទទួលការឧបត្ថម្ភសាច់ប្រាក់ពីរាជរដ្ឋាភិបាលក្នុងករណីដែលគ្រួសារមានប័ណ្ណក្រីក្រក្នុងជុំ ហើយបច្ចុប្បន្នពួកគាត់មានជីវភាពប្រសើឡើង សូមអោយរដ្ឋបាលឃុំប្រជុំ ពិភាក្សាកាត់ចេញពីបញ្ជី និងបន្តចុះពិនិត្យលើគ្រួសារដែលក្រីក្រពិតប្រាកដហើយមិនទាន់មានប័ណ្ណក្រីក្រ៕