នៅថ្ងៃសុក្រ ១២រោច ខែ អាសាឍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី ១៧ ខែ កក្កដា ឆ្នាំ ២០២០ គណៈកម្មការអន្តរក្រសួង រួមមានតំណាងក្រសួងអភិវឌ្ឍន៍ជនបទ ក្រសួងសេដ្ឋកិច្ច និងហិរញ្ញវត្ថុ ដឹកនាំដោយ ឯកឧត្តម សាន វិសាល រដ្ឋលេខាធិការក្រសួងអភិវឌ្ឍន៍ជនបទ បានអញ្ជើញចុះពិនិត្យនិងវាយតម្លៃបញ្ចប់សុពលភាពលើការងារស្ថាបនាផ្លូវក្រាលគ្រួសក្រហម មួយខ្សែ ប្រវែង ៦ ៥០០ ម៉ែត្រ នៅស្រុកជីក្រែង ខេត្តសៀមរាប ដែលអនុវត្តដោយកងកម្លាំងវិស្វកម្មនៃនាយកដ្ឋានស្ថាបនា និងវិស្វកម្ម ក្រសួងមហាផ្ទៃ។ជាមួយនឹងការចុះពិនិត្យនេះ គណៈកម្មាធិការអន្តរក្រសួង បានពិនិត្យគុណភាព និងការសាងសង់ឃើញថាបានអនុវត្តស្របទៅតាមកិច្ចសន្យានិងសៀវភៅបន្ទុក ហើយគណៈកម្មការបានសម្រេចឯកភាពទទួលយកបានដោយបញ្ចប់រយៈពេលធានាសុពលភាពជាស្ថាពរ។សូមបញ្ជាក់ផងដែរថា នេះជាសមិទ្ធផលថ្មីមួយទៀតសម្រាប់បងប្អូននៅស្រុកជីក្រែង ដើម្បីងាយស្រួលក្នុងការធ្វើដំណើរ ក៏ដូចជាការដឹកជញ្ជូនកសិផលទៅរកទីផ្សារ៕
