កាលពីរសៀលថ្ងៃទី២៤ ខែកក្កដា ឆ្នាំ២០២០ លោក ម៉ក់ ប្រុស អភិបាល នៃគណៈអភិបាលស្រុក និងជាប្រធានគណៈកម្មាធិការអនុសាខា និងលោកស្រី ងិន មុំ ប្រធានក្រុមប្រឹក្សាស្រុក និងជាប្រធានគណៈកិត្តិយស នៃអនុសាខាកាកបាទក្រហមកម្ពុជាស្រុកសូទ្រនិគម បានទទួលសម្ភារៈជាគ្រឿងឧបភោគ បរិភោគនិងថវិកា ពីព្រះគ្រូភិរក្ខិតវង្ស ពៅ ធេង ព្រះអនុគណស្រុកសូទ្រនិគម និងជាព្រះគ្រូចៅអធិការវត្តប្រាសាទបន្ទាយស្រី ស្ថិតក្នុងភូមិបន្ទាយស្រី ឃុំដំដែក ស្រុកសូទ្រនិគម ខេត្តសៀមរាបអំណោយទាំងអស់នេះផ្តល់ជូនដល់អនុសាខាកាកបាទក្រហមកម្ពុជាស្រុកសូទ្រនិគម ដើម្បីគាំទ្រដល់សកម្មភាពមនុស្សធម៌ជួយដល់គ្រួសារប្រជាពលរដ្ឋរងគ្រោះ និងងាយរងគ្រោះដោយគ្រោះធម្មជាតិ ជីវភាពរស់នៅក្រីក្រលំបាកនៅក្នុងមូលដ្ឋានស្រុក។ ជាមួយគ្នានេះដែរក្នុងនាមគណៈកម្មាធិការអនុសាខាកាកបាទក្រហមកម្ពុជាស្រុក សូមអរព្រះគុណព្រះតេជគុណ ព្រះអនុគណស្រុក ដែលតែងតែយកព្រះទ័យទុកដាក់ចូលរួមក្នុងកិច្ចការមនុស្សធម៌ និងសូមបួងសួងដល់វត្ថុសក្តិសិទ្ធបីបាច់ថែរក្សាព្រះតេជគុណ និងសូមជួបប្រសព្វតែពុទ្ធពរទាំងបួនប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ។