កាលពីថ្ងៃទី០២ ខែសីហា ឆ្នាំ២០២០ លោក ខៀវ សត ចៅសង្កាត់ស្លក្រាមបានដឹកនាំក្រុមការងារសង្កាត់ចុះសិក្សានិងកំណត់លើគម្រោងបើកផ្លូវចំនួន ០៦ខ្សែ នៅក្នុងភូមិចុងកៅស៊ូដែលគណៈកម្មការរដ្ឋបាលខេត្តបានកំណត់។ជាមួយនឹងការបើផ្លូវទាំងនេះ គឺជាការដោះស្រាយការកកស្ទះ និងអាចបញ្ចៀសចរាចរណ៍ទីប្រជុំក្នុងក្រុងបានថែមមួយកម្រិតទៀត មួយវិញទៀត ផ្លូវទាំងនេះ គឺត្រូវបានគណៈកម្មការរដ្ឋបាលខេត្តបានកំណត់ក្នុងការបើក និងពង្រីកឱ្យស័ក្តសមជាផ្លូវសម្រាប់ចរាចរណ៍ជៀសគ្នាបាន ពិសេសឡានទឹកអាចចេញចូលបានដោយងាស្រួលក្នុងពេលមានអគ្គិសនីឆាបឆេះលំនៅដ្ឋានរបស់ប្រជាពលរដ្ឋនៅខាងក្នុង។ជាមួយគ្នានេះ រដ្ឋបាលខេត្ត រដ្ឋបាលក្រុង និងរដ្ឋបាលសង្កាត់សង្ឃឹមយ៉ាងមុតមាំថា បងប្អូនប្រជាពលរដ្ឋដែលរស់នៅតាមដងផ្លូវទាំងនេះចូលរួមសហការជាមួយអាជ្ញាធរមានសមត្ថកិច្ច ដើម្បីបើកនិងពង្រីកផ្លូវនេះទៅតាមផែនការដែលបានគ្រោងទុក៕