នៅព្រឹកថ្ងៃច័ន្ទ ១១កើត ខែអស្សុជ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី២៨ ខែកញ្ញា ឆ្នាំ២០២០ លោក ពៅ ពិសិដ្ឋ អភិបាលរងខេត្តតំណាង ឯកឧត្តម ទៀ សីហា អភិបាល នៃគណៈអភិបាលខេត្តសៀមរាប បានអញ្ជើញចូលរួមក្នុងពិធី សំណេះសំណាល និងបំពាក់ឋានន្តរ៍សក្កិយោធិនចូលនិវត្តន៍ និងយោធិនពិការកងឯកភាព ទីបញ្ជាការយោធភូមិភាគ តំបន់ប្រតិបត្តិការសឹករងសៀមរាប កំពង់ធំ ព្រះវិហារ និងកងពលតូចថ្មើរជើងលេខ ៤១ របស់យោធភូមិភាគទី៤ ក្រោមអធិបតីភាពឯកឧត្តម ឧត្តមសេនីយ៍ឯក ពៅ ហេង មេបញ្ជាការរងកងទ័ពជើងគោក មេបញ្ជាការយោធភាគទី ៤ តំណាងដ៏ខ្ពង់ខ្ពស់របស់ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងកងយោធពលខេមរភូមិន្ទ មេបញ្ជាការកងទ័ពជើងគោក និងមានការអញ្ជើញចូលរួមពី ឯកឧត្តម អគ្គនាយករង អគ្គនាយកដ្ឋានភស្តុភាហិរញ្ញវត្ថុ ក្រសួងការពារជាតិ ប្រចាំទិសយោធភូមិភាគទី៤ មេបញ្ជាការ មេបញ្ជាការរង ប្រធានមន្ទីរសង្គមកិច្ច អតីតយុទ្ធជន និងយុវនិតិសប្បាទាខេត្ត នាយទាហាន នាយទាហានរង យោធិនចូលនិវត្តន៍ និងយោធិនពិការសរុបចំនួន ២៥០ នាក់ នៅទីបញ្ជាការយោធភូមិទី ៤ ស្ពានក្អែក។កម្មវិធីបំពាក់ឋានន្តរ័សក្កិនាពេលនេះមានចំនួន ១៦០ នាក់ ស្រី ១២ ក្នុងនោះ -យោធិនចូលសោធននិវត្តន៍ ចំនួន ១៣៣នាក់ ស្រី ១០ នាក់ -យោធិនពិការ ចំនួន ៩០ នាក់ ស្រី ២ នាក់ដែរអញ្ជើញមកពី ៥ អង្គភាព ទីបញ្ជាការយោធភូមិភាគ តំបន់ប្រតិបត្តិការសឹករងកំពង់ធំ តំបន់ប្រតិបត្តិការសឹករងព្រះវិហារ តំបន់ប្រតិបត្តិការសឹករងសៀមរាប កងពលតូចថ្មើរជើងលេខ ៤១ ។
