រដ្ឋបាលខេត្តសៀមរាប

Siemreap Administration

រដ្ឋបាលខេត្តសៀមរាប

Siemreap Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

សាខាកាកបាទក្រហមកម្ពុជា ខេត្តសៀមរាប បាមផ្ដល់អំណោយមនុស្សធម៌ដល់ប្អូនប្រុស ពិការភាពស្អិតជើងទាំងពីរ នៅសង្កាត់សាលាកំរើក

ដោយ អ៊ុក ពិស្តារចំនួនទស្សនា (12)

នារសៀលថ្ងៃព្រហស្បតិ៍ ១៤កើត ខែអស្សុជ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ១ ខែតុលា ឆ្នាំ២០២០ លោក ស៊ុំ សំអន នាយកសាខាកាកបាទក្រហមកម្ពុជា ខេត្តសៀមរាប បានអញ្ជើញជួបសំណេះសំណាល និងផ្ដល់អំណោយមនុស្សធម៌ដល់ប្អូនប្រុស ប្រាក់ សុផាន់ណា អាយុ២៩ឆ្នាំ មានពិការភាពស្អិតជើងទាំងពីរតាំងពីអាយុ១០ឆ្នាំ ដោយសារមានបញ្ហាខួរឆ្អឹងខ្នង។ ថ្មីៗនេះប្អូនប្រុសមានជំងឺគ្រួសក្នុងតម្រងនោមបានសម្រាកព្យាបាលនៅមន្ទីរពេទ្យបង្អែកខេត្តសៀមរាប ហើយទើបតែចេញពីពេទ្យកាលពីព្រឹកមិញនេះ។ បច្ចុប្បន្នប្អូនប្រុសស្នាក់នៅជាមួយផ្ទះម្ដាយធម៌ នៅភូមិសាលាកំរើក សង្កាត់សាលាកំរើក ក្រុងសៀមរាប ខេត្តសៀមរាប។មានប្រសាសន៍ក្នុងឱកាសនោះ លោកនាយកសាខា បានពាំនាំនូវការផ្ដាំផ្ញើសួរសុខទុក្ខពីសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ក៏ដូចជាឯកឧត្តម ទៀ សីហា ប្រធានគណៈកម្មាធិការសាខា ដែលតែងតែយកចិត្តទុកដាក់គិតគូរចំពោះសុខទុក្ខប្រជាពលរដ្ឋគ្រប់រូប មិនប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការនយោបាយណាមួយឡើយ ដូចដែលលើកឡើងថា “កាកបាទក្រហមកម្ពុជា មានគ្រប់ទីកន្លែង សម្រាប់គ្រប់ៗគ្នា-មិនទុកនរណាម្នាក់ចោល”។ លោកក៏បានលើកទឹកចិត្តដល់ប្អូនប្រុស សូមថែរក្សាសុខភាពឱ្យបានល្អ អនុវត្តន៍តាមវេជ្ជបញ្ជា និងការណែនាំរបស់គ្រូពេទ្យ នោះជំងឺតម្រងនោមនឹងបានប្រសើរឡើងវិញ។ លោកបានបន្តថា ថ្វីត្បិតតែអំណោយមនុស្សធម៌ដែលបានផ្ដល់ជូនប្អូននាពេលនេះមានចំនួនតិចតួចក្តី តែវាពិតជាអាចជួយសម្រាលទុក្ខលំបាកប្អូនបានមួយកម្រិត និងបានបង្ហាញយ៉ាងជាក់ច្បាស់ពីការយកចិត្តទុកដាក់របស់ថ្នាក់ដឹកនាំ អាជ្ញាធរមូលដ្ឋាន ពិសេសកាកបាទក្រហមកម្ពុជា ដែលមានសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន។អំណោយមនុស្សធម៌បានផ្ដល់ជូនមាន៖ មុ១ ភួយ១ សារុង១ ក្រមា១ អាវយឺត២ សាប៊ូ៤ដុំ មី១កេស ត្រីខ១យួរ ទឹកត្រី១យួរ អង្ក៣០គីឡូក្រាម និងថវិកា ៦សែនរៀល ព្រមទាំងសម្ភារបង្ការជំងឺកូវីដ-១៩ មួយចំនួនផងដែរ។

បណ្ណាល័យព័ត៌មាន
ព័ត៌មានពេញនិយម
ព័ត៌មានថ្មីៗ
ពាក់ព័ន្ធបញ្ហាជំងឺ COVID-19១១៥
លេខអគ្គិភ័យ៦៦៦
សង្រ្គោះបន្ទាន់១១៩
ប៉ូលីស១១៧
SIEM REAP WEATHER
ព័ត៌មានជាប់ទាក់ទង

ផ្លូវ៦០ម៉ែត្រ ភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប

អ៊ីមែល : srphall@siemreap.gov.kh

លេខទូរស័ព្ទ : (+855)63 765 343

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តសៀមរាប

កែប្រែចុងក្រោយ : 16 ម៉ោងមុន