រដ្ឋបាលខេត្តសៀមរាប

Siemreap Administration

រដ្ឋបាលខេត្តសៀមរាប

Siemreap Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

កិច្ចប្រជុំពិភាក្សាលើការងារផ្តល់សេវាកិច្ចសន្យាការពារបរិស្ថានសម្រាប់គម្រោងអាជីវកម្មធនធានរ៉ែសំណង់គ្រប់ប្រភេទ​ ក្នុងភូមិសាស្រ្តខេត្តសៀមរាប

ដោយ អ៊ុក ពិស្តារចំនួនទស្សនា (55)

ព្រឹកថ្ងៃសុក្រ​ ១១កើត ខែបុស្ស ឆ្នាំជូត ព.ស២៥៦៤ ត្រូវនឹងថ្ងៃទី២៥​ ខែធ្នូ​ ឆ្នាំ២០២០ នៅបន្ទប់​ប្រជុំ​​លេខ១​ នៃរដ្ឋបាលសាលាខេត្តសៀមរាប មានកិច្ចប្រជុំពិភាក្សាលើការងារផ្តល់​សេវាកិច្ចសន្យា​ការពារបរិស្ថានសម្រាប់គម្រោងអាជីវកម្មធនធានរ៉ែ​សំណង់គ្រប់ប្រភេទ​ ក្នុង​ភូមិសាស្រ្តខេត្តសៀមរាប ក្រោមការដឹកនាំដោយ​ ​លោក ពិន ប្រាកដ​ និងលោក​ ង៉ាន់ ភិរុណ អភិបាលរងខេត្ត និងជាតំណាងដ៏ខ្ពង់ខ្ពស់ ឯកឧត្តម ទៀ​ សីហា អភិបាល​ នៃគណៈ​អភិបាលខេត្ត និងមាន​ការអញ្ជេីញចូលរួមពីលោកប្រធានមន្ទីររ៉ែ មន្ទីរបរិស្ថាន មន្ទីរដែនដី​​ មន្ទីរសាធារណការនឹង​ដឹកជញ្ជូន ព្រមទាំងអាជ្ញធរ​ ក្រុង​ ស្រុក ទាំង១២ ផងដែរ។

មានប្រសាសន៍ក្នុងឱកាសនោះដែរ លោក ង៉ាន់ ភិរុណ បានសំណូមពរដល់មន្ទីរពាក់ព័ន្ធមួយចំនួនដូចខាងក្រោម៖
១-ត្រូវឲ្យមានការកំណត់តំបន់ ឬទីតាំងហាមឃាត់ ការធ្វើអាជីវកម្មសិប្បកម្មធនធានរ៉ែគ្រប់ប្រភេទ ដែលបានត្រូវកំណត់​ដោយ​​មន្ទីរបរិស្ថាន ឬមន្ទីររ៉ែ និងថាមពល ដែលមិនទាន់មានឯកសារជាលាយលក្ខណ៍អក្សរ និងផែនទីជាក់លាក់។
២-មន្ទីរ​ អង្គភាពពាក់ព័ន្ធ គួរសហការក្នុងការចុះធ្វើអធិការកិច្ច ត្រួតពិនិត្យ​ និងតាមដានការ​អនុវត្ត​របស់ម្ចាស់អាជីវកម្មឲ្យស្របតាមគោលការណ៍បច្ចេកទេសដែលបានកំណត់
៣-គួរមានការកំណត់ចំនុចនិយាមការទីតាំងស្នើសុំរបស់គម្រោងអាជីវកម្មរួម ដើម្បីផ្ទៀងផ្ទាត់លើ​ប្រតិបត្តិការ​អាជីវកម្មរបស់ម្ចាស់គម្រោង។​
៤-មន្ទីរ​ អង្គភាពពាក់ព័ន្ធ គួរតែកំណត់តំបន់ដែលមិនអនុញ្ញាតឲ្យមានអាជីវកម្មជីកអាចម៍ដី ជារណ្តៅចល័ត ឲ្យបានច្បលាស់ និងមានការឯកភាពពីរដ្ឋបាលខេត្ត ដើម្បីជាមូលដ្ឋានក្នុង​ការផ្តល់ព័ត៌មាន​ទៅអាជីវករនៅអង្គភាពច្រកចេញចូលតែមួយ។
៥-អង្គភាពច្រកចេញចូលតែមួយ គួរតែមានការណែនាំឲ្យម្ចាស់អាជីវកម្មឲ្យរៀបចំកិច្ចសន្យា​ការពារបរិស្ថានដែលមានការឯកភាព ដោយមន្ទីរបរិស្ថានខេត្តដើម្បីជាមូលដ្ឋាន​សម្រេច​ក្នុង​ការផ្តល់អាជាបណ្ណផងដែរ៕

បណ្ណាល័យព័ត៌មាន
ព័ត៌មានពេញនិយម
ព័ត៌មានថ្មីៗ
ពាក់ព័ន្ធបញ្ហាជំងឺ COVID-19១១៥
លេខអគ្គិភ័យ៦៦៦
សង្រ្គោះបន្ទាន់១១៩
ប៉ូលីស១១៧
SIEM REAP WEATHER
ព័ត៌មានជាប់ទាក់ទង

ផ្លូវ៦០ម៉ែត្រ ភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប

អ៊ីមែល : srphall@siemreap.gov.kh

លេខទូរស័ព្ទ : (+855)63 765 343

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តសៀមរាប

កែប្រែចុងក្រោយ : 8 ម៉ោងមុន