រដ្ឋបាលខេត្តសៀមរាប

Siemreap Administration
ស្វែងរក

សិក្ខាកាម ១៥៦នាក់ត្រូវបានបញ្ចប់វគ្គបណ្តុះបណ្តាលផ្នែកបដិសណ្ឋារកិច្ច និងទេសចរណ៍នៅសាលាសណ្ឋាគារ និងទេសចរណ៍ ប៉ូល ឌុយប្រ៊ូល

  • 290
  • ដោយ vannak
កាលពីថ្ងៃពុធ ១៣រោច ខែផល្គុន ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី៣០ ខែមីនា ឆ្នាំ២០២២ ឯកឧត្តម អ៊ឹង គឹមលាង អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម ទៀ សីហា អភិបាល នៃគណៈអភិបាលខេត្តសៀមរាប បានអញ្ជើញជាអធិបតីក្នុងពិធីបិទវគ្គ និងប្រគល់វិញ្ញាបនបត្រដល់សិស្សនៃសាលាសណ្ឋាគារ និងទេសចរណ៍ ប៉ូល ឌុយប្រ៊ូល។ ក្នុងពិធីនេះក៏មានការអញ្ជើញចូលរួមពី ឯកឧត្តមបណ្ឌិត ពេជ សោភ័ន រដ្ឋមន្រ្តីប្រតិភូអមនាយករដ្ឋមន្រ្តី រដ្ឋលេខាធិការប្រចាំការក្រសួងការងារ និងបណ្តុះបណ្តាលវិជ្ជាជីវៈ និងជាអនុប្រធានក្រុមប្រឹក្សាភិបាលនៃសាលាសណ្ឋាគារ និងទេសចរណ៍ ប៉ូល ឌុយប្រ៊ូល ឯកឧត្តម ប៉ាក់ សុខុម រដ្ឋលេខាធិការក្រសួងទេសចរណ៍ និងសហការី ឯកឧត្តម តោ គិមស៊ាន សមាជិកក្រុមប្រឹក្សាខេត្តសៀមរាប លោកស្រី អេឡេណ័រ មូឯត ឌុយប្រ៊ូល អនុប្រធានគណៈកម្មការយុទ្ធសាស្រ្តរបស់អង្គការបណ្ដុះបណ្ដាល និងវឌ្ឍនភាពកម្ពុជា និងជាតំណាងលោក ប៉ូល ឌុយប្រ៊ូល ស្ថាបនិកសាលា លោក ហ្រ្វាង់ស្វ័រ ស្នូបេលែន នាយកសាលាសណ្ឋាគារ និងទេសចរណ៍ ប៉ូល ឌុយប្រ៊ូល តំណាងថ្នាក់ដឹកនាំមន្ទីរការងារ និងបណ្តុះបណ្តាលវិជ្ជាជីវៈខេត្តសៀមរាប ដៃគូអភិវឌ្ឍន៍សាលា រួមទាំងថ្នាក់ដឹកនាំ លោកគ្រូ អ្នកគ្រូ បុគ្គលិក និងសិក្ខាកាមរបស់សាលាសណ្ឋាគារ និងទេសចរណ៍ ប៉ូល ឌុយប្រ៊ូល ប្រមាណជាង ២០០ នាក់។
សូមបញ្ជាក់ថា សិក្ខាកាមបានទទួលនូវការបណ្តុះបណ្តាលផ្នែកបដិសណ្ឋារកិច្ច និងទេសចរណ៍ ប្រកបដោយជោគជ័យមានចំនួនសរុប ១៥៦នាក់ ក្នុងនោះមានវិញ្ញាបនបត្រវិជ្ជាជីវៈ២ក្របខ័ណ្ឌគុណវុឌ្ឍិអាស៊ានចំនួន ១០៣នាក់ ផ្នែកថ្នាក់រៀនបដិសណ្ឋារកិច្ចចំនួន ១៤នាក់ និងវិញ្ញាបនបត្របញ្ជាក់សមត្ថភាពជំនាញបដិសណ្ឋារកិច្ចសេវាកម្មសណ្ឋាគារសម្រាប់ពលករទេសន្តរប្រវេសន៍ ក្រោមជំនួយឧបត្ថមរបស់អង្គការអន្តរជាតិទេសន្តរប្រវេសន៍ (IOM) ចំនួន ៣៩នាក់។














+11


43Rem Sophal និង 42 ផ្សេងទៀត


ចែករំលែក 6

អត្ថបទទាក់ទង