រដ្ឋបាលខេត្តសៀមរាប

Siemreap Administration
ស្វែងរក

ក្រុមការងារទី៥​ ទទួលបន្ទុកស្រុកពួក​ បានចុះពិនិត្យ​ និងស្រាវជ្រាវបងប្អូនប្រជាពលរដ្ឋរស់នៅតំបន់បឹងទន្លេសាប​ ស្ថិតក្នុងភូមិសាស្រ្តស្រុកពួក ខេត្តសៀមរាប

  • 54
  • ដោយ vannak

នៅព្រឹកថ្ងៃទី២៩​ ខែឧសភា​ ឆ្នាំ២០២២​ វេលាម៉ោង០៨:០០នាទី​ លោក​ សុិន​ ចាន់ថុល​ អភិបាលស្រុកពួក​ តំណាងលោក​ ប្រាក់​ សោភ័ណ​ អភិបាលរងខេត្តសៀមរាប​ និងជាប្រធានក្រុមការងារទី៥​ បានចុះពិនិត្យទីតាំងដីភូមិឋាន​រស់នៅរបស់បងប្អូនប្រជាពលរដ្ឋក្នុងភូមិពោធិ៍​ និងភូមិទ្រាយ​ ស្ថិតក្នុងឃុំពោធិ៍ទ្រាយ​ ស្រុកពួក​ ខេត្តសៀមរាប​ ដោយមានការអញ្ជេីញចូលរួមពីក្រុមការងារសាលាខេត្ត លោក​ ប្រធានមន្ទីររៀបចំដែនដី​ នគរូបនីយកម្ម​ សំណង់​ និងសុរិយោដីខេត្ត​ ថ្នាក់ដឹកនាំស្រុក​ អធិការស្រុក​កងរាជអាវុធហត្ថស្រុក​ និងមន្រ្តីជំនាញសាលាស្រុក តំណាងមន្ទីរធនធានទឹក​ និងឧតុនិយមខេត្ត. មន្ទីរកសិកម្ម​ រុក្ខាប្រមាញ់​ និងនេសាទខេត្ត អាជ្ញាធរឃុំ​ ភូមិ​ និងអ្នកពាក់ព័ន្ធនានា។នៅក្នុងការចុះពិនិត្យទីតាំងជាក់ស្តែងនេះ​ ក្រុមការងារ​ បានថតរូបភាពលើអាកាស ដេីម្បីផ្តិតយករូបភាពខ្នងផ្ទះ​របស់ប្រជាពលរដ្ឋទាំងនៅលេីគោក​ និងផែលេីទឹក។ សូមបញ្ជាក់ផងដែរថា​ ប្រជាពលរដ្ឋរស់នៅក្នុងភូមិពោធិ៍មានចំនួន​ ១៦៧គ្រួសារ​ ប្រជាពលរដ្ឋ​ចំនួន​ ៥៨៦នាក់​ (ប្រុស​ ២៧៥នាក់)​ និងមានខ្នងផ្ទះចំនួន​ ១៤៦ខ្នង ក្នុងនោះខ្នងផ្ទះលេីគោក​មានចំនួន​ ១៧ខ្នង​ ខ្នងផ្ទះលេីផែមានចំនួន​ ៨៨ខ្នង​ និងខ្នងផ្ទះដែលប្រជាពលរដ្ឋបានធ្វេីការតាំងទីលំនៅលេីទឹក​ចំនួន​ ២០ខ្នងផ្ទះ​ ក្នុងភូមិសាស្រ្តស្រុកឯកភ្នំ​ ខេត្ត​បាត់ដំបង។ ដោយឡែកប្រជាពលរដ្ឋរស់នៅក្នុងភូមិទ្រាយមានចំនួន​ ៣២០គ្រួសារ​ ប្រជាពលរដ្ឋចំនួន​ ១៤៧៣នាក់​ (ប្រុស​ ៧៣៤នាក់)​ និងមានខ្នងផ្ទះចំនួន​ ៣៦១ខ្នង​ ក្នុងនោះខ្នងផ្ទះលេីគោកមានចំនួន​ ៤០ខ្នង​ ខ្នងផ្ទះលេីផែមានចំនួន​ ១៧៧ខ្នង​ និងខ្នងផ្ទះដែលប្រជាពលរដ្ឋបានធ្វេីការតាំងទីលំនៅលេីទឹក​ និងលេីគោកចំនួន​ ១០៣ខ្នងផ្ទះ​ ក្នុងភូមិសាស្រ្តស្រុកឯកភ្នំ​ ខេត្តបាត់ដំបង៕

អត្ថបទទាក់ទង