រដ្ឋបាលខេត្តសៀមរាប

Siemreap Administration
ស្វែងរក

សេចក្តីជូនដំណឹង ស្តីពីការធ្វើដំណើរដោយឥតបង់ថ្លៃតាមរថយន្តក្រុង (City Bus) ក្នុងឱកាសបុណ្យភ្ជុំបិណ្ឌ

  • 374
  • ដោយ vannak
សម្ដេចអគ្គ មហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានសម្រេចក្នុងការជួយសម្រួល បន្ទុកចំណាយរបស់បងប្អូនប្រជាពលរដ្ឋជាមន្ត្រីរាជការ កងកម្លាំងប្រដាប់អាវុធ កម្មករ កម្មការិនី សិស្ស និស្សិតទាំងអស់ដែលនឹងធ្វើដំណើរទៅលេងស្រុកកំណើត ជួបជុំបងប្អូនក្រុមគ្រួសារ ប្រកបដោយសេចក្តី សប្បាយរីករាយ ក្នុងឱកាសពិធីបុណ្យភ្ជុំបិណ្ឌខាងមុខនេះ។ រថយន្តក្រុងរបស់រដ្ឋាករស្វយ័តដឹកជញ្ជូនសាធារណៈ រថយន្តក្រុង (City Bus) ចំនួន១៥គ្រឿង នឹងត្រូវផ្ដល់សម្រាប់បម្រើសេវាដឹកជញ្ជូនបងប្អូនពីរាជធានីភ្នំពេញ មកកាន់ខេត្តសៀមរាប និងពីខេត្តសៀមរាបទៅកាន់រាជធានីភ្នំពេញ រយៈពេល០៥ថ្ងៃ ចាប់ពីថ្ងៃទី២៣ ដល់ ថ្ងៃទី២៧ ខែកញ្ញា ឆ្នាំ២០២២ ដោយមិនបង់ប្រាក់។ ចំពោះទីតាំង និងកាលបរិច្ឆេទត្រូវរៀបចំ ដូចខាងក្រោម៖
១- ការធ្វើដំណើរពីរាជធានីភ្នំពេញ មកកាន់ខេត្តសៀមរាប ទីតាំងចំណតរថយន្ត រង្វង់មូល ទេពមច្ឆា" ស្ពានជ្រោយចង្វារ ចេញដំណើររៀងរាល់ម៉ោង០៥៖៣០នាទីព្រឹក (ចេញជាបន្ទាប់រហូតអស់រថយន្ត) ចាប់ពីថ្ងៃទី២៣ ដល់ ថ្ងៃទី២៦ ខែកញ្ញា ឆ្នាំ២០២២។
២-ការធ្វើដំណើរពីខេត្តសៀមរាប ទៅកាន់រាជធានីភ្នំពេញ ៖ ទីតាំងចំណតរថយន្ត "គ្រឹះស្ថានអង្គរ” ជិតរង្វង់មូលវិថីសម្ដេចវិបុលបញ្ញា សុខ អាន (រង្វង់មូលផ្លូវ៦០ម៉ែត្រ) ចេញដំណើររៀងរាល់ម៉ោង១៣៖០០នាទី (ចេញជាបន្តបន្ទាប់រហូតអស់រថយន្ត) ចាប់ពីថ្ងៃទី២៣ ដល់ ថ្ងៃទី២៥ ខែកញ្ញា ឆ្នាំ២០២២ និងវេលាម៉ោង ០៦ ៖ ០០ នាទី ព្រឹក (ចេញជាបន្តបន្ទាប់រហូតអស់រថយន្ត) សម្រាប់ថ្ងៃទី២៧ ខែកញ្ញា ឆ្នាំ២០២២៕

https://l.facebook.com/l.php?u=https%3A%2F%2Ft.me%2F%2BXSGZnTUNmB9lMzdl%3Ffbclid%3DIwAR0Y1XiiOtqzVZELrs-t2gt0HKlioGt0GY4jMyIR_gbtixA5Zt99EPPhN3g&h=AT2m0Q63CzkBftHUoM4GQk1It1MdfdyhIC0GgIotvupqDwOExmz-xl8h-NMKPifSuPfaa-1uIH9LNYedQFXM4KtJWezeFdXOqZkGeHjZXdxwHYyA6BDKQ78l7N98KSXVLBQO&tn=-UK-R&c[0]=AT0BhcWVHq3blnv8FzD3jkZB6SKXxK3YzgDCpd-QMEf7X9INhdIiwHWguQYDhO1HMaYFUahJomM9gR0_wtXuLOMp3G9m7_GIFgMHOBIXvBnNGvnUPeS5xZe-eGYX6BKY6vUYU7q5LNRRN_8BVhNmmFvkFlsrh2e00wttNf7sZvQ1XPLnrE0R_-TxDPzBpxu9YmVSyYgS

អត្ថបទទាក់ទង