បន្ទាប់ពីបានពិនិត្យ និងពិភាក្សាលើរបៀបវរៈខាងលើ ក៏ដូចជាបញ្ហាប្រឈមមួយចំនួន អង្គប្រជុំបានលើកជាអនុសាសន៍ និងដាក់ផែនការសម្រាប់អនុវត្តបន្ត ដោយផ្តោតទៅលើការបណ្តុះបណ្តាលពង្រឹងសមត្ថភាពដល់ក្រុមការងារនៅថ្នាក់ខេត្ត ក្រុង ស្រុក ឃុំសង្កាត់។ ពង្រឹងលើកិច្ចសហការជាមួយអង្គការដៃគូ និងអាជ្ញាធរមូលដ្ឋានអំពីការធ្វើសមាហរណកម្មជនរងគ្រោះត្រឡប់មកសហគមន៍វិញ ដើម្បីងាយស្រួលដល់អាជ្ញាធរធ្វើការតាមដានបន្ត។ និងបានជំរុញឱ្យមន្ទីរ អង្គភាព រដ្ឋបាលក្រុង ស្រុក និងអង្គការដៃគូជាតិអន្តរជាតិទាំងអស់បន្តសហការអនុវត្តការងារប្រយុទ្ធប្រឆាំងអំពើជួញដូរមនុស្សទៅតាមផែនការដែលបានលើកឡើង ពិសេសពង្រឹងទៅលើការផ្សព្វផ្សាយតាមគ្រប់រូបភាព ការផ្តល់សេវា សមស្របដល់ជនរងគ្រោះ និងងាយរងគ្រោះ និងការបង្ក្រាបបទល្មើសឱ្យបានទាន់ពេលវេលា និងការផ្តន្ទាទោសឱ្យខានតែបាន។