សូមបញ្ជាក់ថា ប្រជាពលរដ្ឋអ្នកផលិតនំបញ្ចុកនៅឃុំព្រះដាក់ ស្រុកបន្ទាយស្រី តែងតែផលិតនំបញ្ចុកឡើងតាមទម្លាប់ពីដូនតាយើងមក ប៉ុន្តែពុំទាន់បានចងក្រងជាឯកសារអំពីរូបមន្តនៃការផលិតនៅឡើយទេ។ ដូច្នេះហើយទើបនាយកដ្ឋានកម្មសិទ្ធិបញ្ញា នៃក្រសួងពាណិជ្ជកម្ម សហការជាមួយអាជីវករ ផលិតករនំបញ្ចុកសៀមរាប និងអាជ្ញាធរមូលដ្ឋាន ដើម្បីចងក្រងរូបមន្ត និងការចុះបញ្ជីម៉ាកសមូភាពនេះទៀតសោត ក៏អាចទាក់ទាញភ្ញៀវទេសចរមកទទួលទាននំបញ្ចុកបានកាន់តែច្រើន។ ជាមួយគ្នាននេះ រដ្ឋបាលខេត្តក៏កំពុងពិនិត្យលទ្ធភាពចុះបញ្ជីម៉ាកសមូហភាពចំនួន ០២បន្ថែមទៀតផងដែរ។
ឯកឧត្តម ទៀ សីហា អភិបាលខេត្ត ជានិច្ចកាលតែងតែណែនាំដល់មន្ទីរ អង្គភាព រដ្ឋបាលក្រុង ស្រុក និងអំពាវនាវដល់ប្រជាកសិករ ម្ចាស់អាជីវកម្មដ្ឋាន ដេីម្បីបង្កើនគុណភាពផលិតផល និងផ្អែកតាមសក្តានុពលមូលដ្ឋាននីមួយៗរៀបចំមុខទំនិញ ឬកសិផលដាក់បញ្ចូលក្នុងបញ្ជីភូមិមួយផលិតផលមួយ ឬការចុះបញ្ជីភូមិសាស្ត្រទំនិញជាដើម៕