![](https://asset.cambodia.gov.kh/provincial/sites/22/2023/08/366184873_635893478684982_6018335801363650518_n-1024x683.jpg)
លោក អភិបាលរងខេត្ត បានថ្លែងអំណរគុណយ៉ាងជ្រាលជ្រៅចំពោះប្រធានដឹកនាំក្រុមការងារគណនេយ្យភាពសង្គម នៃលេខាធិការដ្ឋាន គ.ជ.អ.ប. និងក្រុមការងារថ្នាក់ដឹកនាំ នៃរដ្ឋបាលស្រុកគោលដៅទាំង៤ មន្ទីរ អង្គភាព ទីចាត់ការចំណុះសាលាខេត្ត មន្រ្តីបង្គោលគណនេយ្យភាពសង្គមថ្នាក់ខេត្ត ស្រុក និងអ្នកពាក់ព័ន្ធទាំងអស់ ដែលបានចូលរួមសហការជាមួយរដ្ឋបាលខេត្តសៀមរាប ក្នុងការអនុវត្តការងារគណនេយ្យភាពសង្គម ចាប់តាំងពីដំណាក់កាលទី១ (២០១៦-២០១៨) និងដំណាក់កាលទី២(២០១៩-បច្ចុប្បន្ន) ដែលកិច្ចការងារនេះ ជាផ្នែកមួយនៃការងារកំណែទម្រង់ និងការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ។
លោក អភិបាលរងខេត្ត បានបញ្ជាក់ថាកិច្ចប្រជុំនេះ ដើម្បីធ្វើការត្រួតពិនិត្យ វឌ្ឍនភាព បញ្ហាប្រឈម ដំណោះស្រាយ ជំរុញការអនុវត្តសកម្មភាព ពិនិត្យមើលការរៀបចំរបាយការណ៍ឱ្យបានគ្រប់ជ្រុងជ្រោយ និងរៀបចំផែនការអនុវត្តបន្ទាប់ ដើម្បីធានាឱ្យការអនុវត្តសកម្មភាពស្របតាមផែនការសកម្មភាព និងថវិកាប្រចាំឆ្នាំ២០២៣ និងសម្រេចឱ្យបានក្របខ័ណ្ឌលទ្ធផលរបស់គម្រោង និងបញ្ជាក់ពីសារៈសំខាន់ដល់ស្ថាប័ន អង្គភាពពាក់ព័ន្ធ ដែលជាផ្នែកផ្គត់ផ្គង់ នៃការងារគណនេយ្យភាពសង្គម ដើម្បីជាមូលដ្ឋានក្នុងការពង្រឹងការអនុវត្តការងារគណនេយ្យភាពសង្គម តាមរយៈការផ្សព្វផ្សាយ និងជួយគាំទ្រដល់ផ្នែកតម្រូវការ(ប្រជាពលរដ្ឋ) ឱ្យយល់ច្បាស់ និងចូលរួមក្នុងកិច្ចការងារនេះ៕