រដ្ឋបាលខេត្តសៀមរាប

Siemreap Administration
ស្វែងរក

អាជ្ញាធរមូលដ្ឋានដឹកនាំប្រជាពលរដ្ឋ​ និងប្រជាការពារភូមិនៅតាមបណ្តាសង្កាត់ចំនួន៧​ រួមគ្នាស្តារស្ទឹងសៀមរាបចាប់ពីចំណុចស្ពានថ្ម(អតីតមន្ទីរទេសចរណ៍)រហូតដល់ស្ពានអាងក្រពើ

  • 259
  • ដោយ vannak
នាថ្ងៃទី៩ ខែសីហា ឆ្នាំ២០២៣ អាជ្ញាធរក្រុង​ និងអាជ្ញាធរសង្កាត់បានដឹកនាំប្រជាពលរដ្ឋ​និងប្រជាការពារភូមិមកពីបណ្តាសង្កាត់ចំនួន៧ បានរួមស្តារស្ទឹងសៀមរាបឱ្យមានសោភ័ណភាពល្អប្រសើរឡើងវិញ បន្ទាប់ពីមានការកកស្ទះនូវចក កំប្លោក សារាយ…ចាប់ពីចំណុចស្ពានថ្ម(អតីតមន្ទីរទេសចរណ៍)រហូតដល់ស្ពានអាងក្រពើ។ ការកកស្ទះទាំងនេះ បណ្តាលពីមកការបិទចរន្តទឹកហូរចេញ និងចរន្តហូរចូល ដើម្បីចៀសវាងផលប៉ះនៃការអនុវត្តគម្រោងស្តារស្ទឹងជំហាន២ ដែលកំពុងនឹងដំណើរការ ហើយគ្រោងនឹងបញ្ចប់នៅឆ្នាំ២០២៤។ ការបិទចរន្តទឹកនេះ បណ្តាលឱ្យកើនឡើងនូវ ចក កំប្លោក សារាយ…យ៉ាងច្រើន ជាហេតុធ្វើឱ្យផែនការសំអាតកន្លងមកមិនអាចឆ្លើយតបបាន។
រដ្ឋបាលខេត្ត បានណែនាំដល់រដ្ឋបាលក្រុងបន្តយកចិត្តទុកដាក់ចំពោះការសំអាតនេះ ក្នុងករណីលើសផែនការគ្រោងទុក រដ្ឋបាលក្រុង និងរដ្ឋបាលសង្កាត់ ត្រូវកៀងគរការចូលរួមពីប្រជាការពារ និងប្រជាពលរដ្ឋស្ម័គ្រចិត្តចូលរួមសំអាត ដើម្បីលើកកំពស់សោភ័ណភាព រហូតដល់ការស្ថាបនាដងស្ទឹងត្រូវបានបញ្ចប់ ហើយទឹកស្ទឹង ត្រូវបានបើកចរន្តទឹកហូរជាប្រក្រតីឡើងវិញ៕














+24


ប្រតិកម្មទាំងអស់៖
43Kakada Thap, Thla Veary និង 41 នាក់ផ្សេងទៀត

អត្ថបទទាក់ទង