រដ្ឋបាលខេត្តសៀមរាប

Siemreap Administration
ស្វែងរក

ពិធីដាក់ឱ្យអនុវត្តន៍កម្មវិធីរបបសន្តិសុខសង្គមផ្នែកថែទាំសុខភាព នឹងពង្រីកវិសាលភាពអ្នកទទួលបានការគាំពារផ្នែកសុខភាព

  • 111
  • ដោយ vannak

នៅព្រឹកថ្ងៃទី១៤​ ខែវិច្ឆិកា​ ឆ្នាំ២០២៣​ ឯកឧត្តម​ ប្រាក់​ សោភ័ណ​ អភិបាល​ នៃគណៈអភិបាលខេត្តសៀមរាប​ បានអញ្ជេីញចូលរួមក្នុងពិធីដាក់ឱ្យអនុវត្តន៍កម្មវិធីរបបសន្តិសុខសង្គមផ្នែកថែទាំសុខភាព នឹងពង្រីកវិសាលភាពអ្នកទទួលបានការគាំពារផ្នែកសុខភាពរ​ ក្រោមអធិបតីភាពដ៏ខ្ពង់ខ្ពស់​ សម្តេចធិបតី ហ៊ុន ម៉ាណែត​ នាយករដ្ឋមន្រ្តី​ នៃព្រះរាជាណាចក្រកម្ពុជា។ក្នុងពិធីនេះ​ សម្តេច​ធិបតី​ នាយករដ្ឋមន្រ្តី​ បានប្រកាសដាក់ឱ្យអនុវត្តន៍ ជាផ្លូវការ កម្មវិធីនយោបាយ២ រួមមាន៖ ១៖ របបសន្តិសុខសង្គម ផ្នែកថែទាំសុខភាពតាមរបបភាគទានដោយស្ម័គ្រចិត្ត សម្រាប់បុគ្គល និយោជន៍ និងអ្នកក្នុងបន្ទុកសមាជិកបេឡាជាតិរបបសន្តិសុខសង្គម ២៖ កម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសដល់យុវជន មកពីគ្រួសារក្រីក្រ និងគ្រួសារងាយរងគ្រោះ។សម្តេចធិបតី មានប្រសាសន៍បញ្ជាក់យ៉ាងដូច្នេះថា «ការអនុវត្តកម្មវិធីរបបសន្តិសុខសង្គម ផ្នែកថែទាំសុខភាព តាមរបបភាគទានដោយស្ម័គ្រចិត្ត នឹងជួយពង្រីកគ្រប់ដណ្តប់ប្រជាជនសរុប ចំនួន ៥លាននាក់ បូកបន្ថែមរបបថែទាំងសុខភាព តាមមូលនិធិសមធម៌ សុខាភិបាលជូនគ្រួសារងាយរងហានិភ័យ ដែលបានប្រកាសដាក់ឲ្យដំណើរការ កាលពីថ្ងៃទី២៤ ខែតុលា កន្លងទៅនេះ គ្រប់ដណ្តប់ប្រជាជនសរុបប្រមាណជាង ៤លាននាក់។ កម្មវិធីទាំងពីរ រួមបញ្ចូលគ្នានឹងពង្រីកសេវាថែទាំសុខភាពដល់ប្រជាជនចំនួនជាង ៩លាននាក់ ដែលឆ្ពោះទៅរកការគ្រប់ដណ្តប់សុខភាពជាសកល»។សម្តេចធិបតី បានបន្ថែមថា កម្មវិធីថែទាំសុខភាព តាមរបបភាគទានដោយស្ម័គ្រចិត្ត ដែលប្រកាសដាក់ឲ្យអនុវត្តជាផ្លូវការនៅថ្ងៃនេះ មានវិសាលភាពអនុវត្តចំពោះ៖ ទី១ បុគ្គលស្វ័យនិយោជ និងទី២ អ្នកទទួលបន្ទុកក្នុងសមាជិកបេឡាជាតិរបបសន្តិសុខសង្គម រួមមាន ប្តី ឬប្រពន្ធ និងកូនក្នុងបន្ទុក ដើម្បីឲ្យបងប្អូនដែលជាបុគ្គលស្វ័យនិយោជ និងអ្នកនៅក្នុងបន្ទុកសមាជិកបេឡាជាតិរបបសន្តិសុខសង្គម កូនក្រោមអាយុ ១៨ឆ្នាំ ប្តី ឬប្រពន្ធ ដែលមានអាយុ ៦០ឆ្នាំចុះ អាចបង់ភាគទានបេឡាជាតិរបបសន្តិសុខសង្គម ផ្នែកភាគទានស្ម័គ្រចិត្តបាន។ ការពង្រីកវិសាលភាពនេះ ដើម្បីឆ្លើយតបនឹងកំណើននៃតម្រូវការ និងសេចក្តីប្រាថ្នា ការចង់ក្លាយជាសមាជិក បសស ពីបងប្អូននៃវិស័យសេដ្ឋកិច្ចក្រៅប្រព័ន្ធ ជាពិសេសបុគ្គលស្វ័យនិយោជ ព្រមទាំងពីសំណាក់សមាជិក បសស ដែលប្រាថ្នាចង់បានការថែទាំដល់សមាជិកគ្រួសារខ្លួនផង ពីព្រោះបច្ចុប្បន្ននេះ បសស បានក្លាយជានិមិត្តរូបនៃសុខភាព និងការរីកចម្រើនរបស់ប្រជាជន និងកម្មករនិយោជិត ដែលបានកាត់បន្ថយបន្ទុកចំណាយ និងពង្រឹងស្ថិរភាព និងការព្យាករណ៍នៃចំណូល និងធ្វើឲ្យប្រសើរឡើង នូវសុខភាពរបស់ខ្លួន៕

អត្ថបទទាក់ទង