ជំនួបសម្តែងការគួរសម និងពិភាក្សាការងារជាមួយក្រុមហ៊ុន អ៊ឹមមើស៊ីវ អង្គរ លីហ្គើស៊ី ឯ.ក លើគម្រោងវិនិយោគបេតិកភ័ណ្ឌបែបទំនើប (សារមន្ទីរឌីជីថល 3D) - រដ្ឋបាលខេត្តសៀមរាប

ជំនួបសម្តែងការគួរសម និងពិភាក្សាការងារជាមួយក្រុមហ៊ុន អ៊ឹមមើស៊ីវ អង្គរ លីហ្គើស៊ី ឯ.ក លើគម្រោងវិនិយោគបេតិកភ័ណ្ឌបែបទំនើប (សារមន្ទីរឌីជីថល 3D)

2 ខែ មុន
36
ដោយ vannak

នាព្រឹកថ្ងៃអង្គារ ១២ រោច ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៦ ខែកុម្ភៈ ឆ្នាំ២០២៤ ឯកឧត្តម ប្រាក់ សោភ័ណ អភិបាល នៃគណៈអភិបាលខេត្តសៀមរាប បានជួបសម្តែងការគួរសម និងពិភាក្សាការងារជាមួយលោក កែ ប៊ិន សូរស្មី ប្រធានក្រុមហ៊ុនអ៊ឹមមើស៊ីវ អង្គរ លីហ្គេស៊ី ឯ.ក អំពីគម្រោងវិនិយោគសាងសង់សារមន្ទីរឌីជីថល (សារមន្ទីរ 3D) ដោយមានការអញ្ជេីញចូលរួមដោយ លោក ប្រធានមន្ទីរទេសចរណ៍ លោកប្រធានមន្ទីរវប្បធម៌ និងវិចិត្រសិល្បៈខេត្ត លោក នាយកទីចាត់ការផែនការវិនិយោគសាលាខេត្ត លោក នាយកទីចាត់ការទំនាក់ទំនងសាធារណៈ និងសហប្រតិបត្តិការអន្តរជាតិ លោក នាយកទីចាត់ការអន្តរវិស័យសាលាខេត្ត និងមន្ត្រីជំនាញពាក់ព័ន្ធ។
ក្នុងជំនួបពិភាក្សានេះ លោក កែ ប៊ិន សូរស្មី ប្រធានក្រុមហ៊ុនអ៊ឹមមើស៊ីវ អង្គរ លីហ្គេស៊ី ឯ.ក បានលើកឡើងថា គម្រោងវិនិយោគបេតិកភណ្ឌបែបទំនើបនេះ មានការចូលរួមសហការដោយក្រុមហ៊ុនបច្ចេកវិទ្យាដ៏ល្បីមួយក្នុងប្រទេសបារាំង ដែលនឹងចេញជារូបរាងផ្លូវការនៅអំឡុងខែមីនា ឆ្នាំ២០២៥ខាងមុខនេះ។
ជាមួយគ្នានេះ ឯកឧត្តម អភិបាលខេត្ត បានសម្តែងនូវការចាប់អារម្មណ៍ជាខ្លាំងលើគម្រោងវិនិយោគនេះ ហើយបានធ្វេីការគាំទ្រ ព្រមទាំងសង្ឃឹមថាគម្រោងនឹងអាចលេចចេញជារូបរាងតាមការគ្រោងទុក ក្នុងពេលឆាប់ៗនេះ។

នាព្រឹកថ្ងៃអង្គារ ១២ រោច ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៦ ខែកុម្ភៈ ឆ្នាំ២០២៤ ឯកឧត្តម ប្រាក់ សោភ័ណ អភិបាល នៃគណៈអភិបាលខេត្តសៀមរាប បានជួបសម្តែងការគួរសម និងពិភាក្សាការងារជាមួយលោក កែ ប៊ិន សូរស្មី ប្រធានក្រុមហ៊ុនអ៊ឹមមើស៊ីវ អង្គរ លីហ្គេស៊ី ឯ.ក អំពីគម្រោងវិនិយោគសាងសង់សារមន្ទីរឌីជីថល (សារមន្ទីរ 3D) ដោយមានការអញ្ជេីញចូលរួមដោយ លោក ប្រធានមន្ទីរទេសចរណ៍ លោកប្រធានមន្ទីរវប្បធម៌ និងវិចិត្រសិល្បៈខេត្ត លោក នាយកទីចាត់ការផែនការវិនិយោគសាលាខេត្ត លោក នាយកទីចាត់ការទំនាក់ទំនងសាធារណៈ និងសហប្រតិបត្តិការអន្តរជាតិ លោក នាយកទីចាត់ការអន្តរវិស័យសាលាខេត្ត និងមន្ត្រីជំនាញពាក់ព័ន្ធ។
ក្នុងជំនួបពិភាក្សានេះ លោក កែ ប៊ិន សូរស្មី ប្រធានក្រុមហ៊ុនអ៊ឹមមើស៊ីវ អង្គរ លីហ្គេស៊ី ឯ.ក បានលើកឡើងថា គម្រោងវិនិយោគបេតិកភណ្ឌបែបទំនើបនេះ មានការចូលរួមសហការដោយក្រុមហ៊ុនបច្ចេកវិទ្យាដ៏ល្បីមួយក្នុងប្រទេសបារាំង ដែលនឹងចេញជារូបរាងផ្លូវការនៅអំឡុងខែមីនា ឆ្នាំ២០២៥ខាងមុខនេះ។
ជាមួយគ្នានេះ ឯកឧត្តម អភិបាលខេត្ត បានសម្តែងនូវការចាប់អារម្មណ៍ជាខ្លាំងលើគម្រោងវិនិយោគនេះ ហើយបានធ្វេីការគាំទ្រ ព្រមទាំងសង្ឃឹមថាគម្រោងនឹងអាចលេចចេញជារូបរាងតាមការគ្រោងទុក ក្នុងពេលឆាប់ៗនេះ។

អត្ថបទទាក់ទង