នាថ្ងៃទី៣០ ខែមិថុនា ឆ្នាំ២០២៤ រដ្ឋបាលខេត្តនឹងរៀបចំពិធីអបអរសាទរទិវាអន្តរជាតិប្រយុទ្ធប្រឆាំងគ្រឿងញៀន " ២៦ មិថុនា២០២៤" ក្រោមប្រធានបទ “ រួមគ្នាវិនិយោគលើការងារបង្ការ ទប់ស្កាត់ និងលើកកម្ពស់ការអប់រំ ដើម្បីសហគមន៍គ្មា នគ្រឿងញៀន " ។ ជាមួយនឹងពិធីអបអរសាទរនេះ រដ្ឋបាលខេត្តបានសហការជាមួយមន្ទីរវប្បធម៌ និងវិចិត្រសិល្បៈរៀបចំការសម្តែងសិល្បៈ ដោយមានក្រុមសិល្បករ ពីសាលាវិចិត្រសិល្បៈ នឹងចូលរួមសម្តែងរបាំប្រពៃណី ក្រុមតារាចម្រៀង Siem Reap Start ក្រុមតារាបង្ហាញម៉ូត Super Catwalk Siem Reap និងក្រុមរាំ 5IVE STAR & Baby Boss នឹងចូលរួមបង្ហាញក្បាច់រាំផងដែរ។ សូមអញ្ជើញចូលរួមទស្សនាដោយសេរី។ សូមបញ្ជាក់ថា ក្រុមសិល្បករ តារាចម្រៀង និងតារាបង្ហាញម៉ូត ដែលសុទ្ធសឹងជាអ្នកសៀមរាប នឹងចូលរួមសម្តែងតន្រ្តីប្រយុទ្ធប្រឆាំងគ្រឿងញៀន ក្រោមប្រធានបទ "រួមគ្នាវិនិយោគលើការបង្ការ និងលើកកម្ពស់ការអប់រំ ដើម្បីសហគមន៍គ្មានគ្រឿងញៀន" នាថ្ងៃអាទិត្យ ទី៣០ ខែមិថុនា ឆ្នាំ២០២៤ នៅសួនច្បារខាងជេីងស្ពានព្រះរាជដំណាក់ ។ រដ្ឋបាលខេត្តសៀមរាប ក៏សូមថ្លែងអំណរគុណយ៉ាងជ្រាលជ្រៅចំពោះបងប្អូនក្រុមសិល្បៈករ សិល្បៈការិនីគ្រប់រូបដែលបានចូលរួមសម្តែង ក្នុងទិវាអន្តរជាតិប្រយុទ្ធប្រឆាំងគ្រឿងញៀន " ២៦ មិថុនា២០២៤" ៕