នារសៀលថ្ងៃសុក្រ ទី២៨ ខែមិថុនា ឆ្នាំ២០២៤ នៅទីស្តីការក្រសួងបរិស្ថាន លោក សំកុល សុចិត្រា អភិបាលរងខេត្ត តំណាងដ៏ខ្ពង់ខ្ពស់ឯកឧត្តម ប្រាក់ សោភ័ណ អភិបាលនៃណៈអភិបាលខេត្តសៀមរាប បានចូលរួមពិធីប្រកាសដាក់ឱ្យប្រើប្រាស់ក្រមបរិស្ថាន និងធនធានធម្មជាតិ ក្រោមអធិបតីភាព ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន និងមានការអញ្ជើញចូលរួមពីថ្នាក់ដឹកនាំ សមាជិក ព្រឹទ្ធសភា រដ្ឋសភា ថ្នាក់ដឹកនាំ មន្រ្តីរាជការ មកពីក្រសួង ស្ថាប័ននានា កងកម្លាំងប្រដាប់អាវុធ អង្គភាពប្រឆាំងអំពើពុករលួយ ឯកអគ្គរដ្ឋទូត តំណាងស្ថានទូត អង្គការ ដៃគូអភិវឌ្ឍន៍ គ្រឹះស្ថានសិក្សា ស្រាវជ្រាវ រដ្ឋបាលរាជធានីខេត្ត សិស្ស និស្សិត យុវជន និងតំណាងសហគមន៍ ជាច្រើននាក់។ ឯកឧត្តមបណ្ឌិត អ៊ាង សុផល្លែត បានវាយតម្លៃខ្ពស់ចំពោះការប្រកាសឱ្យប្រើប្រាស់ ក្រមបរិស្ថាននិងធនធានធម្មជាតិ ដែលនឹងយកទៅប្រើប្រាស់ក្នុង បុព្វហេតុការពារបរិស្ថាននិងធនធានធម្មជាតិ ការអភិវឌ្ឍសេដ្ឋកិច្ចជាតិនឹងសង្គម និងការឆ្លើយតបចំពោះការប្រែប្រួលអាកាសធាតុ។ ឯកឧត្តមរដ្ឋមន្រ្តី បានថ្លែងអំណរគុណយ៉ាងជ្រាលជ្រៅ ចំពោះ ឯកឧត្តម ឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងជាអតីតរដ្ឋមន្ត្រីក្រសួងបរិស្ថាន ដែលមានគំនិតផ្តួចផ្តើម ឱ្យមានការរៀបចំក្រមបរិស្ថាន និងធនធានធម្មជាតិនេះ និងចំពោះថ្នាក់ដឹកនាំ និងមន្ត្រីជំនាញ នៃក្រសួងបរិស្ថាន បណ្ដាក្រសួងស្ថាប័នរបស់រាជរដ្ឋាភិបាល ដៃគូពាក់ព័ន្ធទាំងអស់ ដែលបានដឹកនាំ និងរួមចំណែក ក្នុងការរៀបចំឯកសារនេះឱ្យចេញជារូបរាងឡើង។សូមបញ្ជាក់ថា ក្រសួងបរិស្ថានបានដាក់ចេញនូវ យុទ្ធសាស្ត្រចក្រាវិស័យបរិស្ថាន ២០២៣-២០២៨ ដែលត្រូវបានរៀបចំ ឡើង ដោយអនុលោមតាមកម្មវិធីនយោបាយ និងយុទ្ធសាស្ត្របញ្ចកោណដំណាក់កាលទី១ ដើម្បីតម្រង់ទិស និងចង្អុលបង្ហាញអំពីអាទិភាពការងារ ក្នុងការលើកកម្ពស់ កិច្ចគាំពារបរិស្ថាន ការការពារធនធានធម្មជាតិ និង ការអភិវឌ្ឍប្រកបដោយចីរភាព ក្នុងមុំចំនួនបី គឺ «ភាពស្អាត» «ភាពបៃតង»និង «ចីរភាព» សំដៅឆ្ពោះទៅសម្រេចការអភិវឌ្ឍប្រកបដោយអព្យាក្រឹត្យកាបូននៅឆ្នាំ២០៥០។ ឯកឧត្តមបណ្ឌិត អ៊ាង សុផល្លែត បានថ្លែងបន្ថែមថា ក្រសួងបរិស្ថាននឹងប្រើប្រាស់ក្រមបរិស្ថាន និងធនធានធម្មជាតិនេះ ជាឧបករណ៍ ដើម្បីគ្រប់គ្រងបរិស្ថាន និងធនធានធម្មជាតិ ឱ្យកាន់តែមានប្រសិទ្ធភាពថែមទៀត។ក្រមបរិស្ថាននិងធនធានធម្មជាតិ បានប្រើប្រាស់ ពេលវេលាប្រមាណ៨ឆ្នាំ ដើម្បីចងក្រងបង្កើតឡើង និងបានដាក់ឱ្យប្រើប្រាស់នាពេលនេះ។ ក្រមបរិស្ថាននិង ធនធានធម្មជាតិ ត្រូវបានចែកជា១២កន្ថី និងមានមាត្រាសរុប ៨៦៥ ហើយបានបញ្ជាក់អំពីតម្រូវការរៀបចំលិខិតបទដ្ឋានគតិយុត្ត ពាក់ព័ន្ធចំនួន១៣១ ដើម្បីគាំទ្រ ការអនុវត្តឱ្យបានពេញលេញ។ ដើម្បីផ្សព្វផ្សាយឱ្យទូលំទូលាយ ក្នុងក្របខណ្ឌជាតិ និងសកល និងជំរុញ និងបង្កើនប្រសិទ្ធភាព នៃការចូលរួម អនុវត្តក្រមបរិស្ថាន និងធនធានធម្មជាតិ ដើម្បីសម្រេចបាននូវ ភាពស្អាត ភាពបៃតង និងចីរភាព ក្រសួងបរិស្ថាន បានធ្វើការបោះពុម្ពក្រមបរិស្ថាន និងធនធានធម្មជាតិ ដើម្បីចែកជូនដល់ បណ្តាភាគីពាក់ព័ន្ធទាំងអស់។ ទន្ទឹមនោះ ភាគីពាក់ព័ន្ធ ក៏អាចធ្វើការទាញ យកឯកសារក្រមនេះ (Download) ទាំងជាភាសារខ្មែរ និងអង់គ្លេស ពី ប្រព័ន្ធ QR-Code ដែលមានដាក់ជូនជាសាធារណៈ៕
ក្រសួងបរិស្ថានដាក់ឱ្យប្រើប្រាស់ក្រមបរិស្ថាននិងធនធានធម្មជាតិ
- 42
- ដោយ vannak
អត្ថបទទាក់ទង
-
កិច្ចប្រជុំផ្សព្វផ្សាយផែនការយុទ្ធសាស្ត្រ ស្តីពីការអនុវត្តគោលនយោបាយភូមិឃុំ-សង្កាត់មានសុវត្ថិភាព ឆ្នាំ២០២៤-២០២៨
- 42
- ដោយ vannak
-
សិក្ខាសាលាបច្ចេកទេសស្ដីពីការរៀបចំ «វិធានការគន្លឹះអភិវឌ្ឍន៍ទេសចរណ៍ខេត្តសៀមរាបឆ្នាំ២០២៥» និង «ផែនការអភិវឌ្ឍន៍ទេសចរណ៍ខេត្តសៀមរាបឆ្នាំ២០២៥-២០២៨»
- 42
- ដោយ vannak
-
រដ្ឋបាលខេត្តសៀមរាបសូមជូនដំណឹងស្តីពីការដាក់ពាក្យ និងទទួលពាក្យសុំចូលរួមប្រណាំងទូក “ង” ក្នុងឱកាសព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុកខេត្តសៀមរាប ឆ្នាំ២០២៤។
- 42
- ដោយ vannak
-
រដ្ឋបាលខេត្តសៀមរាបផ្ញេីសារលិខិតរំលែកមរណទុក្ខ ជូនចំពោះ ឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ និងលោកជំទាវ ព្រមទាំងក្រុមគ្រួសារ
- 42
- ដោយ vannak
-
អាកាសយានដ្ឋានអន្ដជាតិ សៀមរាប អង្គរ រៀបចំប្រារព្ធខួបមួយឆ្នាំ នៃការបើកដំណើរការជាផ្លូវការរបស់ខ្លួន
- 42
- ដោយ vannak
-
សេចក្តីបំភ្លឺព័ត៌មាន មន្ទីរធម្មការ និងសាសនាខេត្តសៀមរាប
- 42
- ដោយ vannak
-
ថ្នាក់ដឹកនាំខេត្ត មន្ត្រីរាជការ និងវិស័យឯកជនក្នុងខេត្តសៀមរាបបានចូលរួមពិធីគោរពវិញ្ញាណក្ខន្ធ ព្រះបរមរតនកោដ្ឋ គម្រប់ខួប១២ឆ្នាំ
- 42
- ដោយ vannak
-
ក្រុមប្រឹក្សាខេត្តជំរុញដល់អាជ្ញាធរក្រុង ស្រុក បន្ថែមការយកចិត្តទុកដាក់ផ្តល់សេវាសាធារណៈជូនប្រជាពលរដ្ឋឱ្យបានឆាប់រហ័ស
- 42
- ដោយ vannak
-
ទិវាប្រារព្ធពិធីគោរពព្រះវិញ្ញាណក្ខន្ធ ១២ព្រះវស្សា នៃការយាងចូលទីវង្គតរបស់ព្រះករុណាព្រះបាទសម្តេច ព្រះនរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យបូរណភាពទឹកដី និងឯកភាពជាតិខ្មែរ “ព្រះបរមរតនកោដ្ឋ”
- 42
- ដោយ vannak
-
ជួបកញ្ញា ពេជ្រ វត្តីសារ៉ាវឌ្ឍី Miss of Cambodia កញ្ញា ប៊ី សុធារី Miss of Cambodia លោក ប៉ែន ចំរុង តារាសម្តែង កញ្ញា កុយ អេនណា Miss Grand Cambodia លោក ពូ ឃ្លាំង តារាងចម្រៀង កញ្ញា រ៉េត សាវីតា Miss Universe កញ្ញា សាន្ត កុសុមៈ ធីតាឯកសង្គ្រាន លោក ណាខុន តារាងសម្តែង កញ្ញា អែម គុនថង តារាងបង្ហាញម៉ូត និងលោក ពៅ ពិសិដ្ឋ តារាងសម្តែង ក្នុងព្រឹត្តិការណ៍ «ស្នាមញញឹមនៃកម្ពុជាលើកទី២ »
- 42
- ដោយ vannak