នារសៀលថ្ងៃទី១៤ ខែកក្កដា ឆ្នាំ២០២៤ ឯកឧត្តម លី សំរិទ្ធ ប្រធានក្រុមប្រឹក្សាខេត្ត និងឯកឧត្តម ប្រាក់ សោភ័ណ អភិបាល នៃគណៈអភិបាលខេត្តបានដឹកនាំមនថ្នាក់ដឹកនាំ មន្ត្រីរាជការចូលរួមគោរពវិញ្ញាណក្ខន្ធ លោក ទេព ប៊ុនឆាយ ប្រធានក្រុមប្រឹក្សាក្រុងសៀមរាប ខេត្តសៀមរាប ដែលបានមរណភាពកាលពីថ្ងៃព្រហស្បតិ៍ ៦កេីត ខែសាឍ ឆ្នាំរោង ព.ស.២៥៦៨ ត្រីវនឹងថ្ងៃទី១១ ខែកក្កដា ឆ្នាំ២០២៤ ដោយរោគាពាធ។ ការទទួលមរណភាពរបស់លោក ទេព ប៊ុនឆាយ គឺជាការបាត់បង់នូវ ស្វាមី បិតា ជីតា ជីតាទួត ជាទីគោរពស្រឡាញ់ ប្រកបដោយព្រហ្មវិហារធម៌មួយរូបចំពោះក្រុមគ្រួសារ ដែលបានចិញ្ចឹមបីបាច់ថែរក្សា និងអប់រំទូន្មានកូនចៅ ប្រកបដោយគន្លងធម៌ និងបានបូជាកម្លាំងកាយ កម្លាំងចិត្ត កម្លាំងបញ្ញា ក្នុងការកសាងគ្រួសារ ក៏ដូចជារួមចំណែកបម្រើប្រទេសជាតិ ជាពិសេសក្រុងសៀមរាប និងព្រះពុទ្ធសាសនាផងដែរ។ សូមឧទ្ទិសបួងសួងដល់ដួងវិញ្ញាណក្ខន្ធរបស់លោក ទេព ប៊ុនឆាយ ប្រធានក្រុមប្រឹក្សាក្រុងសៀមរាប ខេត្តសៀមរាប សូមបានទៅកាន់សោយសុខក្នុងសុគតិភពជានិរន្តរ៍តរៀងទៅ៕
