នាថ្ងៃព្រហស្បត៏ ០៣រោច ខែស្រាពណ៏ ឆ្នាំរោង ឆស័ក ពស ២៥៦៨ ត្រូវនឹងថ្ធៃទី ២២ ខែសីហា ឆ្នាំ២០២៤ នៅសាលប្រជុំសណ្ឋាគារសុខារ៉េស៊ីដង់រាជធានីភ្នំពេញ លោក ង៉ូវ សេងកាក់ អភិបាលរងខេត្ត តំណាងដ៏ខ្ពង់ខ្ពស់ឯកឧត្តម ប្រាក់ សោភ័ណ អភិបាល នៃអភិបាលខេត្តសៀមរាប បានចូលរួមវេទិកាបណ្តាញអេកូទេសចរណ៏បឹងទន្លេសាបប្រចាំឆ្នាំ លើកទី ១ ក្រោមប្រធានបទ "ការពង្រឹងសេវាកម្មទេសចរណ៏ និងអេកូទេសចរណ៏ ឆ្ពោះទៅរកការងារលើកម្ពស់ជីវភាពសហគមន៍ និងការគ្រប់គ្រងធនធានធម្មជាតិតំបន់បឹងទន្លេសាបប្រកបដោយនិរន្តរភាព" ក្រោមអធិបតីភាពឯកឧត្តម សុខ សុកេន រដ្ឋមន្រ្តីក្រសួងទេសចរណ៏ និងជាប្រធានគណ:កម្មាធិករជាតិគ្រប់គ្រង និងអភិវឌ្ឍសហគមន៍ទេសចរណ៏ និងអេកូទេសចរណ៏ មានការចូលរួមពីគ្រប់ភាគីពាក់ព័ន្ធ មកពីស្ដាប័នសាធារណ: ផ្នែកឯកជន អង្គការមិនមែនរដ្ឋាភិបាលដៃគូរ អាជ្ញាធរមូលដ្ឋាន និងសហគមន៍នៅតំបន់ជុំវិញបឹងទន្លេសាបវិស័យទេសចរណ៍ឯកជន និងដៃគូពាក់ព័ន្ធប្រមាណ ៣០០នាក់ ។ វេទិកាបណ្តាញអេកូទេសចរណ៍បឹងទន្លេសាបប្រចាំឆ្នាំលើកទី១នេះ មានគោលបំណងសំខាន់ៗ ដូចខាងក្រោម ៖ ១- ផ្តល់ឱកាសសម្រាប់ភាគីពាក់ព័ន្ធក្នុងការតភ្ជាប់ និងបង្កើតទំនាក់ទំនងរវាងភាគីពាក់ព័ន្ធសាធារណៈអង្គការជាតិ- អន្តរជាតិ និងដៃគូពាក់ព័ន្ធវិស័យឯកជន ។២- បង្កើតឱកាសទីផ្សារក្នុងការលក់ និងប្រើប្រាស់ផលិតផល និងសេវាកម្មទេសចរណ៍ និងអេកូទេសចរណ៍ មូលដ្ឋានរបស់សហគមន៍ ។៣- បង្ហាញពីចង្ខុវិស័យ គោលដៅ និងវឌ្ឍនភាពនៃបណ្តាញអេកូទេសចរណ៍ទន្លេសាប តាមរយៈសន្ទរកឋា ការបង្ហាញវីដេអូ និងរបាយការណ៏របស់បណ្តាញ ។៤- បញ្ជាក់ពីសារៈសំខាន់នៃទីផ្សារយុទ្ធសាស្រ្ត ក្នុងការលើកកម្ពស់តំបន់បឹងទន្លេសាប ជាគោលដៅអេកូទេសចរណ៍លំដាប់ខ្ពស់ ដោយមានការពិភាក្សា សិក្សាបញ្ហាប្រឈម និងឱកាសនាពេលបច្ចុប្បន្ន និងអនាគតនៃតំបន់អេកូទេសចរណ៍បឹងទន្លេសាប ដោយលើកទឹកចិត្តអោយមានការចូលរួមយ៉ាងសកម្មពីអ្នកចូលរួមទាំងអស់ ។៥- ការបង្ហាញពីយុទ្ធសាស្រ្តជោគជ័យ និងឧទាហរណ៍ជាក់ស្តែងដែលបង្ហាញពីផលប៉ះពាល់ជាវិជ្ជមាន និងការអនុវត្តល្អប្រកបដោយនិរន្តរភាពនៅតំបន់បឹងទន្លេសាប ដែលផ្តល់បទពិសោធន៏ និងបំផុសគំនិតអ្នកចូលរួមអំពីដំណោះស្រាយជាក់ស្តែងសម្រាប់ការអភិវឌ្ឍអេកូទេសចរណ៍ ។ក្នុងវេទិកានេះផងដែរឯកឧត្តម រដ្ឋមន្រ្តីក្រសួងទេសចរណ៍ និងជាប្រធានគណៈកម្មាធិការជាតិគ្រប់គ្រង និងអភិវឌ្ឍនភាពសហគមន៍ទេសចរណ៍ និងអេកូទេសចរណ៍ បានប្រគល់វិញ្ញាបនបត្រជូនសហគមន៍ ចំនួន ២២សហគមន៏ទេសចរណ៍ ដែលទទួលជាសហគមន៍ទេសចរណ៍ និងអេកូទេសចរណ៍ ក្នុងនោះខេត្តសៀមរាបនៅឆ្នាំ២០២៤ ទទួលបាន ៣សហគមន៏ មានសហគមន៏ទេសចរណ៍ធម្មជាតិចង្រ្កាន្តរយ សហគមន៍ទេសចរណ៍ធម្មជាតិបឹងពារាំង និងសហគមន៍ទេសចរណ៍បាគងភូមិខ្ញុំ ។