ថ្ងៃទី២ ខែកញ្ញា ឆ្នាំ២០២៤ លោក យុន លីនណេ អភិបាលរងខេត្ត តំណាងដ៏ខ្ពង់ខ្ពស់ឯកឧត្តម ប្រាក់ សោភ័ណ អភិបាល នៃគណៈអភិបាលខេត្តសៀមរាប បានជួបសំណេះសំណាលជាមួយ ឯកអគ្គរាជទូត របស់ប្រទេសអ៊ីស្រាអែល ប្រចាំប្រទេសថៃ និងប្រទេសកម្ពុជា ព្រមទាំងស្ថាបនិកអង្គការជឿជាក់លើសិស្សជនបទកម្ពុជា ដែលដឹកនាំដោយឯកអគ្គរាជទូត Orna Sagiv ជាឯកអគ្គរាជទូតអ៊ីស្រាអែល ប្រចាំប្រទេសថៃ និងកម្ពុជា និងមានការចូលរួមពីលោក Aviv Palti និងអ្នកស្រី Jessica Palti ស្ថាបនិកអង្គការជឿជាក់លើសិស្សជនបទកម្ពុជា លោកអនុប្រធានអង្គការជឿជាក់លើសិស្សជនបទកម្ពុជា លោកប្រធានគម្រោង ជី (ដើមឈើសម្រាប់ជីវិត) អនុប្រធានគម្រោង ធី (ដើមឈើសម្រាប់ជីវិត) និងអនុប្រធានគម្រោង ធី (ដើមឈើសម្រាប់ជីវិត)។ អង្គការជឿជាក់លើសិស្សជនបទកម្ពុជា ជាអង្គការមិនមែនរដ្ឋាភិបាលដែលត្រូវបានបង្កើតឡើងនៅថ្ងៃទី ២៥ ខែ ឧសភា ឆ្នាំ ២០១១ ក្រោមចក្ខុវិស័យ លុបបំបាត់ភាពក្រីក្រតាមរយៈការអប់រំ ដោយផ្តល់អាហារូបករណ៍ដល់សិស្ស និងនិស្សិតខ្វះខាត ឱ្យទទួលការអប់រំដែលមានគុណភាពខ្ពស់ ។ បន្ថែមពីនេះ ជំនួបដោយផ្ទាល់រវាងស្ថានិកអង្គការជឿជាក់លើសិស្សជនបទកម្ពុជា និងឯកអគ្គរាជទូតអ៊ីស្រាអែលនៅទីក្រុងបាងកក នៃប្រទេសថៃ កាលពីខែសីហា ឆ្នាំ២០២៣ កន្លងមក ស្ថានទូតអ៊ីស្រាអែលបានសម្រេចផ្តល់ជាកញ្ចប់ថវិកា សម្រាប់គម្រោង ដី - ដើមឈើសម្រាប់ជីវិត (Project T- Trees for Life) ដើម្បីដាំដើមឈើក្នុងក្រុងសៀមរាប និងគម្រោងប៊ី-កង់សម្រាប់ការអប់រំ (Project B - Bicycles for Education) ដើម្បីផ្តល់កង់ដល់សិស្សចំនួន ៤០ នាក់ នៅ អនុវិទ្យាល័យតាប៉ាង ក្នុងស្រុកប្រាសាទបាគង ខេត្តសៀមរាប ដែលនឹងប្រព្រឹត្តទៅនៅខែកញ្ញា ឆ្នាំ២០២៤ នេះ ។