នារសៀលថ្ងៃទី២០ ខែកញ្ញា ឆ្នាំ ២០២៤ សាខាសមាគមនារីកម្ពុជាដើម្បីសន្តិភាពនិងអភិវឌ្ឍន៍ខេត្តសៀមរាបដឹកនាំដោយលោកជំទាវ ស៊ិន ណម ប្រធានប្រតិបត្តិ និងលោកស្រី ម៉ននី រង្សី សមាជិកកិត្តិយស និងមានការអញ្ជើញចូលរួមពីលោក លោកស្រី អនុប្រធានអចិន្រ្តៃយ៍ សមាជិកក្រុមប្រឹក្សាក្រុង ចៅសង្កាត់ និងមន្ត្រីការិយាល័យជំនាញក្រុង បានចុះសួរសុខទុក្ខ និងនាំយកអំណោយជាគ្រឿងឧបភោគបរិភោគជូនដល់គ្រួសារស្រ្តីជួបការលំបាកក្នុងជីវភាព និងចិញ្ចឹមកូនតូច ៣នាក់ ស្រី ២នាក់ (កូនភ្លោះ2នាក់) ដែលរស់នៅភូមិតានី សង្កាត់រុនតាឯក ក្រុងរុនតាឯកតេជោសែន។ បន្ទាប់ពីសំណេះសំណាលសួរសុខទុក្ខរួច សមាគមនារីកម្ពុជាដើម្បីសន្តិភាពនិងអភិវឌ្ឍន៍ខេត្តសៀមរាបក៏បាននាំយកអំណោយគ្រឿងឧបភោគបរិភោគរួមមាន អង្ករ ៧៥គីឡូក្រាម (សមាគមនារី ២៥គីឡូ និងក្រុង ៥០គីឡូក្រាម) មីជាតិ ១កេស ត្រីខ ១យួរ ទឹកត្រី ១យួរ ទឹកស៊ីអ៉ីវ ១យួរ ទឹកដោះគោឆៅ ១យួរ ប្រេឆា ស្ករស អំបិល ប៊ីចេង និងថវិកាចំនួន ៣០ម៉ឺនរៀល (សមាគមនារី ១០ម៉ឺន ក្រុមប្រឹក្សាក្រុង ២០ម៉ឺន)។