នាល្ងាចថ្ងៃទី០៨ ខែតុលា ឆ្នាំ២០២៤ ឯកឧត្ដម ប្រាក់ សោភ័ណ អភិបាល នៃគណៈអភិបាលខេត្តសៀមរាប ប្រធានគណៈបញ្ជាការឯកភាពរដ្ឋបាលខត្ត និងប្រធានសហភាពសហព័ន្ធយុវជនកម្ពុជាខេត្ត បានចុះពិនិត្យនៅតាមទីតាំងមណ្ឌលប្រលង សញ្ញាបត្រមធ្យមសិក្សាទុតិយភូមិឆ្នាំសិក្សា ២០២៣-២០២៤ និងចុះសួរសុខទុក្ខសមាជិក សមាជិកា ក្រុមគ្រួសារសហភាពសហព័ន្ធយុវជនកម្ពុជា ខេត្តសៀមរាប កំពុងបំពេញកិច្ចការងារនៅកន្លែងផ្ញើកង់ ម៉ូតូជូនជដល់ប្អូនៗជាបេក្ខជនប្រលង ដោយឥតគិតថ្លៃ។
នាល្ងាចនេះ ថ្វីត្បិតតែមានភ្លៀងធ្លាក់ក៏ពិតមែនតែមិនមែនជាបញ្ហាចោទឡើយ ឯកឧត្តម អភិបាលខេត្តនៅតែបន្តចុះពិនិត្យ និងបន្តបំពេញកិច្ចការងារប្រកបដោយការយកចិត្តទុកដាក់ និងមានទំនួលខុសត្រូវខ្ពស់ចំពោះប្អូនៗដែលបានមេីលថែទាំកង់ ម៉ូតូជូនជដល់ប្អូនៗជាបេក្ខជនប្រលង។
ក្នុងនាមរដ្ឋបាលខេត្ត សូមថ្លែងអំណរគុណដល់កងកម្លាំង និងគ្រួសារសហភាពសហព័ន្ធយុវជនកម្ពុជា ខេត្តសៀមរាបដែលបានចំណាយពេលជួយរៀបចំសណ្តាប់ធ្នាប់ និងថែរក្សាកង់ ម៉ូតូជូនជដល់ប្អូនៗជាបេក្ខជនប្រលងនាពេលនេះ៕
