នាថ្ងៃទី២៨ ខែកុម្ភៈ ឆ្នាំ២០២៥ ក្រុមការងារមន្ទីរសាធារណការ និងដឹកជញ្ជូនខេត្តបានចុះរៀបចំគូសគំនូស និងរៀបចំសោភណភាពតាមបណ្តោយផ្លូវជាតិលេខ៦ ដេីម្បីត្រៀមទទួលភ្ញៀវទេសចរជាតិ អន្តរជាតិដែលអញ្ជេីញមកកម្សាន្តក្នុងព្រឹត្តិការណ៍អង្គសង្ក្រាន្ត ខែមេសា ឆ្នាំ២០២៥ខាងមុខនេះ។
ទន្ទឹមនឹងនេះ រដ្ឋបាលខេត្តសូមអំពាវនាវដល់បងប្អូនប្រជាពលរដ្ឋទាំងអស់ដែលមានគេហដ្ឋានតាមដងផ្លូវ សូមចូលរួមថែរក្សាសោភណភាព បរិស្ថាន ពិសេសវេចខ្ចប់ និងទុកដាក់សំរាមឱ្យបានត្រឹមត្រូវ ដេីម្បីលេីកកម្ពស់សោភណភាពខេត្តសៀមរាបយេីងទាំងអស់គ្នា។
