នៅព្រឹកថ្ងៃព្រហស្បតិ៍ ១៤កេីត ខែជេស្ឋ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី០៤ ខែមិថុនា ឆ្នាំ២០២០ វេលាម៉ោង៨៖៣០នាទី នៅបន្ទប់ប្រជុំលេខ២​ របស់រដ្ឋបាលខេត្តសៀមរាប លោក នាក់ ណេរ៉ុន អភិបាលរងខេត្ត តំណាងឯកឧត្តម ទៀ សីហា អភិបាល នៃគណ:អភិបាលខេត្តសៀមរាប បានជួបប្រជុំពិភាក្សាការងារជាមួយអង្គការ សហប្រជាជាតិ ( អង្គការ IOM, អង្គការស្បៀងអាហារពិភពលោក តំណាងក្រសួងការងារ និងបណ្តុះបណ្តាលវិជ្ជាជីវ: ក្រសួងមហាផ្ទៃ ) ដើម្បីសិក្សាពីស្ថានភាពជាក់ស្តែងនៅមូលដ្ឋាន សម្រាប់អនុវត្តកម្មវិធីបង្កើនគុណភាព នៃការទទួលសេវាថែទាំសុខភាពពីជំងឺ Covid-19 ដោយមានការអញ្ជេីញចូលរួមពី លោក ប្រធានមន្ទីរការងារ និងបណ្តុះបណ្តាលវិជ្ជាជីវ: លោក ប្រធានមន្ទីរសង្គមកិច្ច អតីតយុទ្ធជន និងយុវនីតិសប្បទា លោកស្រី ប្រធានមន្ទីរកិច្ចការនារី លោក អនុប្រធានមន្ទីរសុខាភិបាលខេត្ត លោក នាយកទីចាត់ការរដ្ឋបាល តំណាងទីចាត់ការអន្តរវិស័យសាលាខេត្ត និងមន្រ្តីជំនាញពាក់ព័ន្ធ។កិច្ចប្រជុំពិភាក្សាបានផ្តោតជាសំខាន់លើវិធានការការពារការរីករាលដាលនៃជំងឺ Covid-19 និងយន្តការមួយចំនួន ដើម្បីគាំទ្រដល់រដ្ឋបាលក្រុង ស្រុក ដែលមានប្រជាពលរដ្ឋវិលមកពីក្រៅប្រទេសច្រើន រួមមានស្រុកជីក្រែង ស្រុកសូទ្រនិគម ស្រុកពួក ស្រុកក្រឡាញ់ ស្រុកស្រីស្នំ និងស្រុកក្រឡាញ់៕