រដ្ឋបាលខេត្តសៀមរាប

Siemreap Administration
ស្វែងរក

ប្រជាពលរដ្ឋមានជំងឺនិងក្រីក្រមួយគ្រួសារត្រូវបានអនុសាខាកាកបាទក្រហមកម្ពុជា ក្រុងសៀមរាបផ្តល់អំណោយមនុស្សធម៌

ថ្ងៃទី១៣ ខែមិថុនា ឆ្នាំ២០២០ ក្រោមការចង្អុលបង្ហាញផ្ទាល់របស់លោក នួន ពុទ្ធារ៉ា អភិបាលនៃគណៈអភិបាលក្រុងសៀមរាប លោក ហ៊ុន សម្បត្តិ នាយករដ្ឋបាលសាលាក្រុងបានដឹកនាំក្រុមការងារក្រុងនាំយកអំណោយមនុស្សធម៌របស់អនុសាខាកាកបាទក្រហមកម្ពុជា ក្រុងសៀមរាប ជូនអ្នកជំងឺហើយក្រីក្រម្នាក់ឈ្មោះ លឹម សុចាន់ ភេទស្រី អាយុ៣៤ឆ្នាំ មានកូន២នាក់ រស់នៅភូមិជ្រាវ សង្កាត់ជ្រាវ ក្រុងសៀមរាប។ លោក បានថ្លែងថាដោយទទួលបានដំណឹងពីសាធារណជនភ្លាម លោក អភិបាលក្រុងបានអនុញ្ញាតឱ្យក្រុមការងារក្រុងចុះមកសួរសុខទុក្ខនិងនាំយកអំណោយមួយចំនួនយកមកប្រគល់ជូនដើម្បីដោះស្រាយបញ្ហាលំបាកនេះ។ ទោះបីអំណោយទាំងនេះមិនបានជួយរហូតក៏ពិតមែន ប៉ុន្តែវាអាចជួយដោះស្រាយទុក្ខលំបាករបស់យើងមួយគ្រាផងដែរ។អំណោយសប្បុរសធម៌ជូន មាន អង្ករ ៤០kg មី១កេះ ទឹកស៊ីអ៉ីវ១យួរ ទឹកត្រី១យួរ ត្រីខ១យួរ ទឹកបរិសុទ្ធ១យួរ និងថវិកា១០ម៉ឺនរៀល។ ដោយឡែក ម្ចាស់សណ្ឋាគារអប្សរាអង្គរក៏បានផ្តល់ថវិកា ចំនួន២០០$បន្ថែមផងដែរ៕

អត្ថបទទាក់ទង