រសៀលថ្ងៃអង្គារ ទី១៦ ខែមិថុនា ឆ្នាំ២០២០ លោក សាម ឡន ចៅសង្កាត់សាលាកំរើក បានអញ្ជើញបងប្អូនប្រជាពលរដ្ឋដែលរស់នៅតាមបណ្តោយផ្លូវខាងកើតភីងផារ៉ាដាយ ស្ថិតក្នុងភូមិវត្តដំណាក់ សង្កាត់សាលាកំរើក ដើម្បីពិភាក្សាលើគម្រោងសាងសង់ផ្លូវបេតុង ៥០+៥០ ដែលមានទំហំទទឹង៨ម៉ែត្រ និងបណ្តោយ ២១៦ម៉ែត្រ (ផ្លូវខាងកើតភីងផារ៉ាដាយ ភូមិវត្តដំណាក់ សង្កាត់សាលាកំរើក)។ ក្នុងកិច្ចពិភាក្សានេះដែរ លោក ចៅសង្កាត់ក៏បានបញ្ជាក់ថា ការសាងសង់ផ្លូវនេះគឺការចូលរួមចំណែកមួយក្នុងការអភិវឌ្ឍភូមិ និងសង្កាត់របស់យើងឱ្យបានស្អាត និងងាយស្រួលធ្វើដំណើរ។ក្រោយពីពិភាក្សាគ្នាមក ប្រជាពលរដ្ឋដែលបានរស់នៅតាមផ្លូវនេះក៏មានការសាទរ រីករាយយ៉ាងក្រៃលែងផងដែរក្នុងការអភិវឌ្ឍផ្លូវនេះ ហើយប្រជាពលរដ្ឋក៏បានចូលរួមចំណែកទាំងអស់គ្នាស្របតាមការស្នើសុំរបស់ចៅសង្កាត់ ដោយគម្រោងសាងសង់ផ្លូវបេតុង ៥០+៥០ ក្នុងនោះប្រជាពលរដ្ឋចូលរួម ៥០ភាគរយ។ទន្ទឹមនឹងនេះ លោក ចៅសង្កាត់ ក៏បានថ្លែងអំណរគុណយ៉ាងជ្រាលជ្រៅចំពោះការចូលរួមរបស់ប្រជាពលរដ្ឋក្នុងការអនុវត្តគម្រោងមួយនេះឱ្យបានជោគជ័យ៕
