រដ្ឋបាលខេត្តសៀមរាប

Siemreap Administration

រដ្ឋបាលខេត្តសៀមរាប

Siemreap Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

ថ្នាក់ដឹកនាំខេត្តចុះ​ពិនិត្យ​សកម្មភាព​រៀន និង​បង្រៀន​ពី​ចម្ងាយ​តាមប្រព័ន្ធអេឡិចត្រូនិច(Online)នៅ​វិទ្យាល័យអង្គរ

ដោយ អ៊ុក ពិស្តារចំនួនទស្សនា (31)

នៅព្រឹកថ្ងៃពុធ ១២ រោច ខែជេស្ឋ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១៧ ខែ មិថុនា ឆ្នាំ ២០២០ លោក ពៅ ពិសិដ្ឋ អភិបាលរងខេត្ត តំណាងឯកឧត្តម ទៀ សីហា អភិបាល នៃគណ:អភិបាលខេត្តសៀមរាប អញ្ជើញ​ចុះ​ពិនិត្យសកម្មភាព​ការ​រៀន និង​បង្រៀន​ពី​ចម្ងាយ​តាមប្រព័ន្ធអេឡិចត្រូនិក(Online)នៅ​វិទ្យាល័យអង្គរ ខេត្តសៀមរាប ។ លោក ពៅ ពិសិដ្ឋ អភិបាលរងខេត្ត ការចុះ​ពិនិត្យ​សកម្មភាព​រៀន និង​បង្រៀន​ពី​ចម្ងាយ​តាមប្រព័ន្ធអេឡិចត្រូនិចនៅ​វិទ្យាល័យអង្គរខេត្តសៀមរាបនេះ ដើម្បី​ធានា​បាន​ថាកម្មវិធី​អប់រំ​នៅ​តែ​អាច​ប្រព្រឹត្ត​ទៅ​ដោយរលូន ទោះ​​បីសាលា​កំពុង​ត្រូវ​បាន​បិទ​ជា​បណ្ដោះ​អាសន្ន ក្នុង​ស្ថានភាព​អន្តរកាល​ដែល​បង្ក​ដោយ​ជំងឺ​កូវីដ-១៩​​ក៏ដោយ។ក្នុងកិច្ចប្រជុំសាមញ្ញលើកទី១៣ ឯកឧត្តម អភិបាលខេត្តសង្កត់ធ្ងន់ផងដែរចំពោះបញ្ហាអប់រំ ព្រមទាំងបានណែនាំដល់មន្ទីរអប់រំ យុវជន និងកីឡាខេត្តត្រូវចាត់មន្ត្រីពិនិត្យតាមដានក្នុងការបង្រៀនតាមរយៈប្រព័ន្ធ Online ជាប្រចាំ ដើម្បីទប់ស្កាត់ការធ្លាក់ចុះគុណភាពនៃការសិក្សា។សូម​ជម្រាប​ថា ខណៈ​ដែល​​ក្រសួង​អប់រំ យុវជន និង​កីឡា បាន​បិទ​សាលា​ជា​បណ្ដោះ​អាសន្ន​ ក្រសួង​​បាន​ប្រឹងប្រែង​អស់​ពី​លទ្ធភាព​ក្នុង​ការ​លើក​កម្ពស់​គុណភាព​អប់រំ​ពី​ចម្ងាយ និង​តាម​ប្រព័ន្ធ​អេឡិចត្រូនិក ផលិត​នូវ​មាតិកា​ឌីជីថល ចាក់​ផ្សាយ​ទាំង​តាម​ប្រព័ន្ធ​អ៊ីនធឺណិត និង​នៅ​លើ​កញ្ចក់​ទូរទស្សន៍​ ផ្ដល់​ភាព​អំណោយ​ផល​ដល់​សិស្ស​ទាំង​នៅ​ទីក្រុង និង​ជនបទ ដើម្បី​ធានា​បាន​ថា​កម្មវិធី​អប់រំ​ប្រព្រឹត្ត​ទៅ​ប្រកប​ដោយ​សមធម៌ និង​បរិយាបន្ន។ ទន្ទឹម​នឹង​ការ​ប្រឹងប្រែង​របស់​ក្រសួង​អប់រំ ក្រោម​ការ​ចង្អុល​បង្ហាញ​ដោយ​រាជរដ្ឋាភិបាល​កម្ពុជា ក៏​មាន​ការ​ចូលរួម​គាំទ្រ​ពី​សំណាក់​ដៃគូ​ ស្ថាប័ន​ពាក់ព័ន្ធ​នានា​ផង​ដែរ៕

បណ្ណាល័យព័ត៌មាន
ព័ត៌មានពេញនិយម
ព័ត៌មានថ្មីៗ
ពាក់ព័ន្ធបញ្ហាជំងឺ COVID-19១១៥
លេខអគ្គិភ័យ៦៦៦
សង្រ្គោះបន្ទាន់១១៩
ប៉ូលីស១១៧
SIEM REAP WEATHER
ព័ត៌មានជាប់ទាក់ទង

ផ្លូវ៦០ម៉ែត្រ ភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប

អ៊ីមែល : srphall@siemreap.gov.kh

លេខទូរស័ព្ទ : (+855)63 765 343

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តសៀមរាប

កែប្រែចុងក្រោយ : 5 ម៉ោងមុន