បន្ទាប់ពីមានការប្រជុំផ្សព្វផ្សាយ និងសេចក្តីជូនដំណឹងស្ដីពីការរុះរើសផលប៉ះពាល់ក្នុងការអនុវត្តន៍គម្រោងសាងសង់ផ្លូវកៅស៊ូ AC ទំហំទទឹង ១១ម៉ែត្រ និងលូរំដោះទឹកសងខាងផ្លូវ លើផ្លូវគ្រោង ១៥ម៉ែត្រ (ផ្លូវផ្សារដីហុយ) ស្ថិតនៅភូមិវត្តដំណាក់ សង្កាត់សាលាកំរើក ។ រដ្ឋបាលខេត្តសូមកោតសរសើរចំពោះរដ្ឋបាលសង្កាត់សាលាកំរើក ដែលបានសម្របសម្រួលដល់បងប្អូនប្រជាពលរដ្ឋឱ្យចូលរួមយ៉ាងសកម្មក្នុងការរុះរើផលប៉ះពាល់ដូចជា របង សំយ៉ាប និងផលប៉ះពាល់ផ្សេងៗដើម្បីឲ្យការអនុវត្តគម្រោងទទួលបានជោគជ័យ និងមានប្រសិទ្ធភាព ។ ក្នុងនោះដែរ លោក សាម ឡន ចៅសង្កាត់សាលាកំរើក ក៏បានបន្តសម្របសម្រួល និងស្នើសុំដល់បងប្អូនប្រជាពលរដ្ឋ ដែលមិនទាន់បានរុះរើផលប៉ះពាល់ សូមចូលរួមនិងសហការជាមួយអាជ្ញាធរធ្វើការរុះរើជាបន្ទាន់ផងដែរ ដើម្បីឱ្យគម្រោងសាងសង់ផ្លូវនេះអនុវត្តស្របតាមផែនការដែលបានគ្រោងទុក។សូមថ្លែងនូវអំណរគុណ និងសូមកោតសរសើរចំពោះ បងប្អូនប្រជាពលរដ្ឋ ដែលបានចូលរួមដោះស្រាយផលប៉ះពាល់ជាមួយអាជ្ញាធរក្នុងការអនុវត្តគម្រោង៕