កាលពីថ្ងទី១៦ ខែ មិថុនា ឆ្នាំ២០២០ ឯកឧត្តម ទៀ សីហា អភិបាលនៃគណៈអភិបាលខេត្តសៀមរាបរួមទាំងឯកឧត្តម អស់លោក លោកស្រីជាក្រុមការងាររាជរដ្ឋាភិបាលបានបន្តចុះត្រួតពិនិត្យទីកន្លែងដែលបងប្អូនប្រជាពលរដ្ឋបានធ្វើការចិញ្ចឹមកង្កែប ការដាំដុះ ដំណាំ និង ធ្វើការដោះស្រាយបញ្ហាផ្លូវក្នុងភូមិ ក្នុងឃុំកន្ទ្រាំង ស្រុកប្រាសាទបាគងផងដែរ ។ ក្នុងនោះដែរឯកឧត្តមអភិបាលខេត្ត ក៏បានធ្វើការកោតសរសើរ ចំពោះបងប្អូនប្រជាពលរដ្ឋ ដែលមានគំនិតកែច្នៃ ក្នុងការចិញ្ចឹមកង្កែប បង្កើននូវសេដ្ឋកិច្ចគ្រួសារ រួមទាំងការដាំដុះដំណាំក្នុង ការផ្គត់ផ្គង់នៅតាមទីផ្សារទៀតផង ។ ក្នុងឱកាសនោះដែរឯកឧត្តមក៏បាន ចូលរួមដោះស្រាយបញ្ហាផ្លូវមួយខ្សែដែលអាជ្ញាធរ ភូមិបានកសាងឡើងរួចរាល់នោះ ហើយត្រូវបានបុគ្កលមួយចំនួនបានធ្វើការកាយបំផ្លាញទៅវិញនោះ ត្រូវបានឯកឧត្តមដាក់នូវវិធានការដល់អាជ្ញាធរស្រុក ត្រូវធ្វើផ្លូវនេះឡើងវិញឲ្យបានរួចរាល់នៅឆ្នាំក្រោយ ក្នុងការបម្រើនូវសេចក្តីតម្រូវ ការរបស់ប្រជាពលរដ្ឋក្នុងភូមិ និង សម្រួលដល់ចរាចរណ៍ ក្នុងការធ្វើដំណើររបស់សិស្សានុសិស្ស និង ការដឹកកសិផលរបស់ បងប្អូនទៅកាន់ទីផ្សារទៀតផង៕