នៅថ្ងែអង្គារ ២រោច ខែអាសាឍ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី០៧ ខែកក្កដា ឆ្នាំ ២០២០ ក្រុមការងាររបស់មន្ទីសាធារណការ និងដឹកជញ្ជូនខេត្ត បានចាប់ដំណើរការជួសជុលកែសម្រួលលម្អប្រព័ន្ធបណ្តាញលូទឹកក្រោមដី ដូចខាងក្រោមនេះ៖-ធ្វើការជីក និងសាងសង់អណ្តូងលូ(រីហ្គា) មួយកន្លែងត្រង់ចំណុចផ្លូវបំបែកស្តុបសណ្ឋាគារសុខាអង្គរ ដើម្បីទាញលំហូរចរន្តទឹកឲ្យបានបង្ហូរចូលទៅលូមេស៊ីវុត្ថា និងបញ្ចូលទៅប្រឡាយមេសុខា(ADB)។-ភ្ជាប់បណ្តាញលូទឹកភ្លៀង ពីផ្លូវជាតិលេខ៦ កាត់មុខព្រះរាជដំណាក់ឲ្យមកចូលស្ទឹងសៀមរាប។ ការរៀបចំប្រព័ន្ធលូនេះដែល គឺដើម្បីបញ្ជៀសទឹកលិចផ្លូវនារដូវវស្សា។អាស្រ័យដូចបានជម្រាបជូនដំណឹងខាងលើ សូមសាធារណជន ម្ចាស់អាជីវកម្ម និងស្ថាប័នពាក់ព័ន្ធនានា ចូលរួមចំណែកដោះស្រាយផលប៉ះពាល់ និងជាពិសេស កងកម្លាំងសមត្ថកិច្ចចរាចរណ៍ សូមចូលរួមសហការបញ្ចៀសការកកស្ទះ។
