រដ្ឋបាលខេត្តសៀមរាប

Siemreap Administration

រដ្ឋបាលខេត្តសៀមរាប

Siemreap Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

ប្រធានមន្ទីរអប់រំ យុវជន និងកីឡាខេត្តសៀមរាបត្រូវបានប្រកាសចូលកាន់តំណែងជាផ្លូវការ

ដោយ អ៊ុក ពិស្តារចំនួនទស្សនា (74)

ថ្ងៃព្រហស្បតិ៍ ៤រោច ខែអាសាឍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី០៩ ខែកក្កដា ឆ្នាំ២០២០ ឯកឧត្តម អ៉ឹង ហឿន ប្រធានក្រុុមប្រឹក្សាខេត្ត និងឯកឧត្តម ទៀ សីហា អភិបាល នៃគណៈអភិបាលខេត្តបានអញ្ជើញចូលរួមប្រកាសចូលកាន់តំណែងប្រធានមន្ទីរអប់រំ យុវជន និងកីឡាខេត្តសៀមរាបក្រោមអធិបតីភាពឯកឧត្តមបណ្ឌិតសភាចារ្យ ហង់ជួន ណារ៉ុង រដ្ឋមន្រ្តីក្រសួងអប់រំ យុវជន និងកីឡា។ឯកឧត្តម អភិបាលខេត្តបានថ្លែងថាការប្រកាសចូលកាន់មុខតំណែងប្រធានមន្ទីរអប់រំ យុវជន និងកីឡាខេត្តសៀមរាបនាពេលនេះ គឺជាការប្រគល់ភារកិច្ច និងជាការផ្តល់នូវការទទួលខុសត្រូវមួយថែមទៀ ត ដែល តម្រូវឱ្យសាមីខ្លួនត្រូវតែបញ្ចេញឱ្យអស់សមត្ថភាព លទ្ធភាព និងទេពកោសល្យ ដើម្បីជំនះបានរាល់ការលំបាកនានា ដែ លកើតមានឡើងកន្លងមក ហើយចាំបាច់ត្រូវសហការជាមួយថ្នាក់ដឹកនាំ និងមន្រ្តីក្រោមឱវាទ ដើម្បីធ្វើឱ្យអង្គភាព មានការប្រែប្រួលមុខមាត់ថ្មី សំដៅធានាឱ្យបាននូវភារកិច្ចស្នូលទាំងឡាយ ដែលអង្គភាពត្រូវបំពេញ និងទទួលខុស ត្រូវចំពោះមុខក្រសួងអប់រំ យុវជននិងកីឡា ព្រមទាំងភារកិច្ចទាំងឡាយផ្សេងៗទៀតទៅតាមការចាំបាច់ដែលរដ្ឋបាលខេត្តប្រគល់ជូន។ ឆ្លៀតក្នុងឱកាសនេះ ឯកឧត្តម ក៏បានបន្ថែមថាខេត្តសៀមរាប ជាប៉ូលទេសចរណ៍មួយដ៏សំខាន់របស់ព្រះរាជាណាចក្រកម្ពុជា ដែលមានប្រាង្គប្រាសាទនិងតំបន់ទេសភាពធម្មជាតិ អេកូ-ទេសចរណ៍ច្រើនទៀត សម្រាប់ភ្ញៀវទេសចរ មកទស្សនាកម្សាន្ត។ ដោយស្ថិតក្នុងស្ថានភាពបច្ចុប្បន្ន នៃវិបត្តិជំងឺកូវីដ-១៩ បានធ្វើឱ្យមានផលប៉ះពាល់ជាខ្លាំងដល់បងប្អូនប្រតិបត្តិករ និងអ្នកបម្រើការងារក្នុងវិស័យទេសចរណ៍។ ផលវិបាកនៃជំងឺកូវីដ-១៩ បានធ្វើឱ្យខេត្តសៀមរាប ពិសេស តំបន់រមណីយដ្ឋានអង្គរដែលធ្លាប់តែទទួលបានភ្ញៀវទេសចរជាតិ-អន្តរជាតិមកទស្សនាកម្សាន្តយ៉ាងច្រើនកុះករ បែរជាមានសភាពស្ងប់ស្ងាត់។ឯកឧត្តម បន្ថែមថាទោះស្ថិតក្នុងដំណាក់កាលផលប៉ះពាល់នៃជំងឺកូវីដ-១៩ ក៏ដោយក៏រដ្ឋបាលខេត្ត បាននិងកំពុងជម្រុញ និង យកចិត្តទុក ដាក់លើការកែលំអសោភណ្ឌភាពក្រុង ឱ្យបានកាន់តែល្អប្រសើរថែមទៀត។ ក្នុងនោះខេត្តបានកសាងផ្លូវថ្នល់ក្នុងក្រុង ឆ្នាំ២០១ ៩-២០២០នេះ សរុបចំនួន២៧ខ្សែ ដែលមានប្រវែងសរុបចំនួន ១៦,៤៥០គីឡូម៉ែត្រ និងបានដា ក់លូ និងលូប្រអប់តាមបណ្តោយផ្លូវ។ ម្យ៉ាងទៀត ខេត្តក៏បានរៀបចំកែលំអសោភណ្ឌភាពសួនច្បារមាត់ស្ទឹង ខាងជើង ស្ពាន ថ្មព្រះរាជដំណាក់ ដោយបានបំពាក់នូវឧបករណ៍ ហាត់ប្រាណហើយ ក្រសួងព្រះបរមរាជវាំងកំពុងដំណើរការរៀបចំសោភណ្ឌភាពសួនច្បារមុខព្រះរាជដំណាក់ផងដែរ៕

បណ្ណាល័យព័ត៌មាន
ព័ត៌មានពេញនិយម
ព័ត៌មានថ្មីៗ
ពាក់ព័ន្ធបញ្ហាជំងឺ COVID-19១១៥
លេខអគ្គិភ័យ៦៦៦
សង្រ្គោះបន្ទាន់១១៩
ប៉ូលីស១១៧
SIEM REAP WEATHER
ព័ត៌មានជាប់ទាក់ទង

ផ្លូវ៦០ម៉ែត្រ ភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប

អ៊ីមែល : srphall@siemreap.gov.kh

លេខទូរស័ព្ទ : (+855)63 765 343

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តសៀមរាប

កែប្រែចុងក្រោយ : 3 ថ្ងៃមុន