រដ្ឋបាលខេត្តសៀមរាប

Siemreap Administration

រដ្ឋបាលខេត្តសៀមរាប

Siemreap Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

កិច្ចប្រជុំជាមួយម្ចាស់អាជីវកម្មមណ្ឌលកម្សាន្តទេសចរណ៍មនុស្សពេញវ័យ ឲ្យបន្តផ្អាកសកម្មភាព និងអាចដំណើរការជាភោជនីយដ្ឋានវិញ

ដោយ អ៊ុក ពិស្តារចំនួនទស្សនា (70)

នាព្រឹកថ្ងៃពុធ ១០រោច ខែអាសាឍ ឆ្នាំជូត ទោស័ក ពស ២៥៦៤ ត្រូវនឹងថ្ងៃ១៥ ខែកក្កដា ឆ្នាំ២០២០ នៅរដ្ឋបាលខេត្តសៀមរាប បានរៀបចំកិច្ចប្រជុំជាមួយម្ចាស់អាជីវកម្មមណ្ឌលកម្សាន្តទេសចរណ៍មនុស្សពេញវ័យ ខារ៉ាអូខេ ឌីស្កូតែក និងបៀរហ្គាឌិន ដឹកនាំដោយ លោក ពៅ ពិសិដ្ឋ អភិបាលរង នៃគណៈអភិបាលខេត្តសៀមរាប តំណាងឯកឧត្តម ទៀ សីហា អភិបាល នៃគណៈអភិបាលសៀមរាប ។ នាឱកាសនោះ លោកប្រធានមន្ទីរទេសចរណ៍ខេត្តបានរាយការណ៍ជូនប្រធានអង្គប្រជុំ និងសមាជិកអង្គប្រជុំ អំពីសេចក្តីណែនាំរបស់រាជរដ្ឋាភិបាល ក្រសួងទេសចរណ៍ និង រដ្ឋបាលខេត្ត ស្តីពីវិធានការបង្ការ និងទប់ស្កាត់ការរីករាលដាលនៃជំងឺកូវីដ១៩ ដែលតម្រូវអោយម្ចាស់មូលដ្ឋានមណ្ឌលកម្សាន្តទេសចរណ៍ចរណ៍គ្រប់ប្រភេទត្រូវផ្អាកអាជីវកម្មជាបណ្តោះអាសន្ន។ ក្នុងនោះដែរលោក លោកស្រី តំណាងម្ចាស់អាជីវកម្ម ក៏បានលើកឡើងពីផលលំបាក និងបញ្ហាប្រឈមនានា និងបានស្នើដល់រដ្ឋបាលខេត្ត ក៏ដូចជាមន្ទីរជំនាញពាក់ព័ន្ធ ជួយផ្តល់គោលការណ៍ណែនាំ និងមានវិធានផ្សេងៗដើម្បីអាចអោយទីតាំងអាជីវកម្មកំសាន្តមនុស្សពេញវ័យអាចបើកដំណើរការអាជីវកម្មឡើងវិញក្នុងពេលខាងមុខ។ បន្ទាប់ពីពិភាក្សាគ្នារួចមក លោក អភិបាលរងខេត្ត បានណែនាំដល់អ្នកពាក់ព័ន្ធដូចខាងក្រោម៖១. ស្នើគ្រប់មណ្ឌលកម្សាន្តទេសចរណ៍មនុស្សពេញវ័យ ខារ៉ាអូខេ ឌីស្កូតែក និងបៀរហ្គាឌិន គ្រប់ប្រភេទបន្តផ្អាកដំណើរការអាជីវកម្មជាបណ្តោះអាសន្ន។២. ស្នើមន្ទីរទេសចរណ៍ខេត្ត សហការជាមួយមន្ទីរសុខាភិបាលខេត្ត កំណត់ស្តង់ដារវិធានក្នុងការបង្ការ និងទប់ស្កាត់ការរីករាលដល់ជំងឺកូវីដ១៩ សម្រាប់អាជីវកម្មមណ្ឌលកម្សាន្តទេសចរណ៍មនុស្សពេញវ័យ ខារ៉ាអូខេ ឌីស្កូតែក និងបៀរហ្គាឌិន ដើម្បីប្រែក្លាយទៅជាភោជនីយដ្ឋានវិញ។ ៣. ម្ចាស់មណ្ឌលកម្សាន្តទេសចរណ៍មនុស្សពេញវ័យ ខារ៉ាអូខេ ឌីស្កូតែក និងបៀរហ្គាឌិន ត្រូវដាក់ពាក្យស្នើសុំគោលការណ៍ឯកភាពពីថ្នាក់ដឹកនាំខេត្ត ដើម្បីប្រែក្លាយមណ្ឌលកម្សាន្តមនុស្សពេញវ័យ ទៅជាភោជនីយដ្ឋាន ដោយស្របតាមស្តង់ដារ និងវិធានការពារច្បាស់លាស់។ ៤. មន្ទីរ-អង្គភាពជំនាញពាក់ព័ន្ធ និងរដ្ឋបាលក្រុង សង្កាត់ ប៉ុស្តិ៍រដ្ឋបាល ត្រូវសហការចុះត្រួតពិនិត្យ និងបិទជាបន្ទាន់រាល់អាជីវកម្ម មណ្ឌលកម្សាន្តទេសចរណ៍មនុស្សពេញវ័យគ្រប់ប្រភេទ ដែលនៅបន្តល្មើសលួចលាក់បើកដំណើរការអាជីវកម្មក្នុងដំណាក់កាលនេះ៕

បណ្ណាល័យព័ត៌មាន
ព័ត៌មានពេញនិយម
ព័ត៌មានថ្មីៗ
ពាក់ព័ន្ធបញ្ហាជំងឺ COVID-19១១៥
លេខអគ្គិភ័យ៦៦៦
សង្រ្គោះបន្ទាន់១១៩
ប៉ូលីស១១៧
SIEM REAP WEATHER
ព័ត៌មានជាប់ទាក់ទង

ផ្លូវ៦០ម៉ែត្រ ភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប

អ៊ីមែល : srphall@siemreap.gov.kh

លេខទូរស័ព្ទ : (+855)63 765 343

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តសៀមរាប

កែប្រែចុងក្រោយ : 5 ម៉ោងមុន