នាព្រឹកថ្ងៃប្រហស្បតិ៍ ១១រោច ខែជេស្ឋ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី១៦ ខែកក្ដដា ឆ្នាំ២០២០ នៅសាលប្រជុំVideo Conference សាលាខេត្តសៀមរាប វេលាម៉ោង ៨៖៣០នាទីព្រឹក បានបើកកិច្ចពិភាក្សាពិគ្រោះយោបល់ក្នុងការរៀបចំសេចក្តីណែនាំបំពេញបន្ថែមលើសេចក្តីណែនាំបច្ចេកទេសស្តីពីការកសាងកម្មវិធីវិនិយោគបីឆ្នាំរំកិលក្រុង ស្រុក ខណ្ឌ ដឹកនាំដោយ លោក ចឹក គឹមជុន នាយករងរដ្ឋបាលសាលាខេត្ត ជាមួយប្រតភូក្រសួងមហាផ្ទៃ ដឹកនាំដោយ លោក ហែម សារិន ប្រធានការិយាល័យផែនការក្រុង ស្រុក ឃុំ សង្កាត់នៃក្រសួងមហាផ្ទៃ និងមន្ត្រីជំនាញសរុប១០នាក់។គោលបំណងនៃកិច្ចប្រជុំនេះ គឺផ្តោតសំខាន់ទៅលើការស្វែងរកនៅគំនិតយោបល់ពីអ្នកពាក់ព័ន្ធ ដែលជាអ្នកអនុវត្តផ្ទាល់ក្នុងដំណើរការកសាងកម្មវិធីវិនិយោគបីឆ្នាំរំកិលរបស់រដ្ឋបាលថ្នាក់ក្រោមជាតិ ជាធាតុចូលដ៏សំខាន់សម្រាប់ធ្វើការកែសម្រួលនូវសេចក្តីណែនាំបំពេញបន្ថែមទៅលើសេចក្តីណែនាំបច្ចេកទេសស្តីពីការកសាងកម្មវិធីវិនិយោគបីឆ្នាំរំកិលរបស់រដ្ឋបាលក្រុង ស្រុក ខណ្ឌ៕
